Ǵasyrdan da uzaq ǵumyr keshken, jaryǵy bar almatylyq Evdokııa Chýmakovaǵa qala hırýrgteri sátti ota jasady. Almatydaǵy №4 qalalyq aýrýhanasynda em alǵan keıýana aýrýhanadan aman-esen úıine shyqty, dep habarlaıdy Egemen.kz
Evdokııa Aleksandrovna eki jyl boıy jaryqpen aýyrǵan. Sońǵy ýaqytta jaǵdaıy nasharlaı túsken keıýana 2 naýryz kúni Jedel medısınalyq járdem qyzmetiniń kóligimen №4 qalalyq aýrýhanasyna jetkiziledi.
«Syrqat 1920 jyly dúnıege kelgen. Ish qurylysynyń aýyratynyna shaǵymdanǵan. Dárigerler tekserýinen belgili bolǵany: kindik gryjasynyń túıilýi. Naýqastyń densaýlyǵy aýyr bolǵan. Hırýrgııalyq kómeksiz syrqattyń jaǵdaıy túzelmes edi. Dárigerler jedel sheshim qabyldap, ota jasady. Ota 30 mınýtqa sozylyp, sátti aıaqtaldy. 101 jastaǵy Evdokııa Aleksandrovna otaǵa shydaı aldy» – dep №4 qalalyq aýrýhanasynda hırýrgy Marlen Daırabaev.
Evdokııa Aleksandrovnanyń saýyǵyp ketýi úshin operasııalyq brıgada tik turyp eńbek etti. О́ıtkeni, dárigerler úshin ota stolyndaǵy bir ǵasyrlyq ǵumyry, tarıhy bar naýqasty ajaljan aman alyp qalý – úlken jaýapkershilik. Asqynǵan syrqatynan qulan-taza aıyqqan Evdokııa Aleksandrovna aman-esen otbasyna oraldy.
№4 qalalyq aýrýhanasynyń hırýrgy – Raıymhanov Aıdar Dúısenuly jáne anestezıology – Elibaev Ǵalym Karluly.
Aldaǵy 14 naýryzda keıýana 101 jasqa tolady. Aýrýhanadan ony jaqyn adamdar qarsy alady, Evdokııa Aleksandrovna Astana jáne Almaty Eparhııasy Aqjar poselkesindegi jergilikti «Prıhod hram Presvıatoı Bogorodısy» provoslavtyq dinı birlestigi janyndaǵy qarttarǵa arnalǵan úıde turady.
«Biz №4 qalalyq aýrýhanasynyń dárigerilerine óte rızamyz, sebebi keıýanaǵa ekinshi ret ómir súrýge múmkindik berdi. Evdokııa Aleksandrovna úıde jatyp qaıtys bolyp ketýi múmkin bolǵandyqtan, jedel járdem qyzmetin shaqyrdyq, jasy týraly tipten, áńgimede bolǵan joq. Ájeı Qyrǵyzstannyń týmasy, eki jyl buryn osy pansıonatqa kelgen bolatyn. Onyń este saqtaý qabileti óte jaqsy, 100-den astam ánderdi, óleńder jatqa aıtady. Pansıonatta 20 qart bar, barlyǵyna birdeı barynsha meıirim men súıispenshilikpen qaraımyz. Dárigerlerge shyn júrekten alǵysymyzdy aıtamyz. О́ıtkeni, bilgir medısına mamandarynyń arqasynda Evdokııa Aleksandrovna 101 jasyn atap ótedi» – deıdi shirkeý qyzmetkeri Olga Brajnıkova.