Sońǵy ýaqytta ınternet-alaıaqtyq sany ósýde. Mamlıýt aýdany polısııa bólimi basshylyǵynyń bastamasymen qylmystyń atalǵan túrin eskertý boıynsha chellendj bastaý aldy.
Eriktiler toby polıseılermen jáne prokýratýra qyzmetkerlerimen birge Ledenıovo aýylyna keldi. Qatysýshylar Ledenevo aýylyndaǵy 178 úıdiń árqaısysynda bolyp, aýyldyqtarǵa alaıaqtyqtyń keń taraǵan aıla-amaldary týraly aıtyp berdi, sondaı-aq profılaktıkalyq kitapshalar taratty.
Sońǵy kezde alaıaqtyqtyń beleń alǵan túri – banktyń qaýipsizdik qyzmetkeri bolyp telefon soǵý. Qaskóıler esep shottarynan zańsyz aýdarymdardyń jasalýyna jol bermeımiz dep qurbandarynan bank kartalarynyń rekvızıtterin surap alady. Sonymen qatar aldyn ala tólem jasaýdy talap etýmen taýarlar satý týraly jalǵan habarlandyrýlar keńinen qoldanady. Internet arqyly zattaryn satyp jatqan adamdarǵa qylmyskerler ózderin satyp alýshy retinde tanystyryp, WhatsApp arqyly jetkizý qyzmeti saıtyna silteme joldap, ótinimdi rastaýyn suraıdy. Shyn máninde bul saıttar – naǵyz logıstıkalyq kompanııalardyń saıttary sııaqty resimdelgen «telqosaqtar». Onda engizilgen málimetter qylmyskerlerdiń oljasyna aınalady jáne ol arqyly qurbandarynyń esep shottaryna qoldaryn jetkize alady. Qazir barlyǵy 150-den astam alaıaqtyq tirkeldi.