Ońtústik Afrıka Respýblıkasynyń Tuńǵysh Prezıdenti Nelson Mandelanyń úlken nemeresi, T.Mandela Qorynyń qurýshysy jáne prezıdenti Ndıleka Mandela qazaqstandyqtardy kele jatqan áz Naýryz meıramymen quttyqtady, dep habarlaıdy Egemen.kz
Ońtústik Afrıkanyń Tuńǵysh Prezıdenti Nelson Mandela otbasynyń atynan, Naýryz meıramyna jáne kele jatqan Jańa Aq sıyr jylyna oraı QR Úkimetin jáne búkil Qazaqstan halqyn shyn júrekten quttyqtaımyn!
Birikken Ulttar Uıymynyń Bas Assambleıasy, óziniń 2010 jylǵy A/RES/64/253 qararynda jarııalaǵan Halyqaralyq Naýryz kúni – planetamyzdyń Soltústik jarty sharynda astronomııalyq kún men túnniń teńelgen kezde atap ótiletin jáne kóktemniń alǵashqy kúnin belgileıtin mańyzdy mereke.
Ulystyń Uly Kúni – bahardyń araıyn, Tabıǵat-Ananyń jańa týyndylaryna oraı qýanyshyn, Ǵaryshtyq úılesimdi, sondaı-aq Jaratylystyń jańǵyrýyn keıipteıtin ýaqyt. Naýryz, sondaı-aq, adam rýhynyń qaıta týyp, jaryqtyń qarańǵylyq kúshteriniń ústindegi saltanat qurýyn beıneleıdi jáne qaı jerde de jaqsylyq shashady.
Naýryzdyń osynaý baǵyttaýshy rýhy, bizderdi jyl boıyna shabyttandyrýy kerek. Jaǵrapııalyq endik pen boılyqqa qaramastan, álemniń kez kelgen bóliginde ujymdyq kúsh-jigerimizdi odan ári kúsheıtý kerek, ásirese ǵalamdyq koronavırýstyq indettiń kezinde. Naýryzdyń bitimgershilik qundylyqtary ári baı murasy – barlyq beıbit pen beıbitshilikti súıer elder úshin mańyzdy.
Bul merekeniń, sonymen birge, adamnyń ál-aýqatynyń negizin qalaýǵa jáne ǵalamsharymyzdyń qundy resýrstaryn saqtaýǵa baǵyttalýy da – asa kóńil aýdararlyq jaıt. Naýryz merekesiniń rýhynda qozǵalar birlesken jumysymyz – BUU-nyń barlyq 17 turaqty damý maqsattaryna jetý úshin serpin beretinine kúmánim joq. Bul meıram, sondaı-aq, seriktestik pen yntymaqtastyqtaǵy tereń senimdilikti basshylyqqa ala otyryp, adamnyń qadir-qasıetin, ádilettilikti, teńdikti, jan-jaqty únqatysýdy jáne halyqqa baǵyttalǵan damýdy nasıhattaýǵa mindetteıdi.
BUU-dyń Turaqty damý maqsattaryna jetý jónindegi 2030 kún tártibi jáne Beıbitshiliktiń jańa kún tártibi – jahandyq kelisim men yntymaqtastyqtyń birlesken qubylanamamyz bolýy tıis. Búgingi sharttarda, biz ejelgi Naýryz dástúrin dál osy baǵytta túsinýimiz kerek.
Uly Dala elinde ejelden beri kóktemgi kún men túnniń teńelýine oraı toılanyp kele jatqan Ulystyń Uly Kúni – budan bylaı da álemniń túkpir-túkpirinde jaqsylyqty, baılyqty, baqytty, súıispenshilikti jáne úlken dostyqty beıneleıtinine kámil senemin.
Ońtústik Afrıka men Qazaqstan Respýblıkasy arasyndaǵy qarym-qatynastar árqashan da berik jáne ózara qoldaý negizinde damyp, jaqsy qarqynyn jáne úlken áleýetin kórsetip kelýde.
Bul baılamda, aldaǵy jyldary dostas baılanystar men shynaıy yntymaqtastyǵymyzdy, ortaq múddelerimiz úshin odan ári arttyrý úshin Qazaqstan tarapymen tyǵyz baılanysta jumys isteýge nıetti ekenimizdi taǵy da aıtqymyz keledi.
Körısu amaly merekesı qabyl,
Nauryz meiramy qutty bolğay!
Aq mol bolsyn!
Izgi nıetpen,
Ndıleka MANDELA,
OAR Tuńǵysh Prezıdenti Nelson Mandelanyń úlken nemeresi,
T.Mandela Qorynyń qurýshysy jáne prezıdenti