Almaty HQO-larynda azamattyq qoǵam memlekettik qyzmetter kórsetý sapasyn baqylaýǵa tartylmaq, dep habarlaıdy Egemen.kz
Qoǵamdyq qabyldaý – halyqpen tikeleı ózara is-qımyl jáne dıalog formaty. «Azamattarǵa arnalǵan úkimet» memlekettik korporasııasy KE AQ Almaty qalasy boıynsha fılıalynyń front-ofısterinde azamattyq qoǵam ókilderiniń qatysýymen, qoǵamdyq qabyldaý uıymdastyryla bastady. Is-sharalar Memleket basshysynyń «halyq únine qulaq asatyn memleket» tujyrymdamasyn iske asyrý jónindegi tapsyrmasyn oryndaý sheńberinde júrgizilýde. Maqsaty - qala turǵyndarynyń memlekettik qyzmetterdi alý, sybaılas jemqorlyqtyń aldyn alý, táýekel máselelerin anyqtaý.
Is-shara apta saıyn fılıal basshylyǵynyń, QR Memlekettik qyzmet isteri agenttigi departamenti mamandarynyń jáne qoǵamdyq uıymdar ókilderiniń qatysýymen front-ofısterde ótkizilýde. Oǵan ár túrli taqyryptyq jáne salalyq baǵyttaǵy bilikti mamandar toby qatysýda.
Almaty qalasynyń Áýezov, Medeý aýdandyq HQO-larynda ótkizilgen qabyldaýǵa 100-ge jýyq qyzmet alýshylar júgindi. Suraqtar ár túrli boldy, olardyń keıbireýleri ýákiletti organdardyń quzyretine jatpaıdy. Degenmen, barlyq kelýshiler kómekpen, sonyń ishinde zańdy kómekpen qamtamasyz etildi.
«Túsindirý jumystarynan basqa, qyzmet alý servısin jaqsartý maqsatynda halyqtyń shaǵymdary men usynystary tyńdaldy. Aıta ketý kerek, «bir tereze «qaǵıdaty boıynsha memlekettik qyzmetterdiń biryńǵaı provaıderi «Azamattarǵa arnalǵan úkimet» KEAQ bolyp tabylady. Shyn máninde, HQO mamandary tıisti ýákiletti organdardyń odan ári óńdeýi úshin qujattar paketin qabyldaýmen aınalysady. Qoǵamdyq qabyldaý arqyly azamattardyń barlyq syndarly ótinish-tilekterin jedel ári tıimdi qarastyryp, ýákiletti organdarǵa jetkizýge múmkindik týady», dep atap ótti «Azamattarǵa arnalǵan úkimet» MK Almaty qalasy fılıalynyń dırektory Danııar Qyryqbaev.
Qoǵamdyq qabyldaýǵa «Jastarǵa jol» QB basshysy, QR Sybaılas jemqorlyqqa qarsy is - qımyl agenttigi janyndaǵy Respýblıkalyq monıtorıngtik qyzmet basshysynyń orynbasary Rafael Gasanov, «Podrankı» - «Sharasyzdar» qoǵamdyq birlestiginiń tóraıymy Ǵalııa Tobataeva, QR Memlekettik qyzmet isteri agenttiginiń Almaty qalasy boıynsha departamentiniń vedomstvoaralyq jumys tobynyń múshesi Anatolıı Mıgaı jáne t. b. qatysty
«Qoǵamdyq dıalog, ashyqtyq, adamdardyń qajettilikterine jedel den qoıý memlekettik organdar qyzmetindegi basty basymdyq bolyp tabylady» – degen bolatyn Memleket Basshysy Qasym-Jomart Toqaev Qazaqstan halqyna arnaǵan Joldaýynda.
«Memleket basshysynyń «halyq únine qulaq asatyn memleket» qaǵıdatyn iske asyrý jónindegi tapsyrmasyn oryndaý aıasynda biz azamattyq qoǵamdy memlekettik qyzmet kórsetý sapasyn baqylaýǵa tartýdamyz. Is-sharany ótkizýdiń maqsaty - memlekettik organdardyń ashyqtyǵyn qamtamasyz etý», dep atap ótti QR Memlekettik qyzmet isteri jónindegi agenttiginiń qalalyq Departamentiniń ókili Maqsat Jańbyrshıev.
Iá, memleket basshysynyń «Biz óz qyzmetimizde, eń aldymen, qarapaıym azamattardyń suranysy men muń-muqtajyn basshylyqqa alýymyz kerek. Halyqtan joǵary jáne halyqtan bıik turǵan eshkim de, eshteńe de joq», degen sózin árbir mekeme basshylyqqa alyp jatsa, qoǵamnyń da jańarary sózsiz.
Esterińizge sala keteıik, mundaı qoǵamdyq qabyldaýdy qalanyń barlyq front-ofısterinde (HQO) apta saıyn ótkizý josparlanǵan.