Densaýlyq saqtaý mınıstri Alekseı Soı sáýir aıynda elimizde koronavırýsqa qarsy 1 mıllıonnan astam azamatty vaksınalaý josparlanyp jatqanyn málimdedi, dep habarlaıdy Egemen.kz
«Sáýir aıynda Qazaqstanda 1 mln astam azamatty COVID-19-ǵa qarsy vaksınalaý josparlanýda. Respýblıka boıynsha halyqty KVI-ge qarsy kezeń-kezeńimen vaksınalaý jalǵasyp jatyr. Búginde elimizdiń óńirlerine 145 myń doza vaksına jetkizildi. Al bıyl naýryzdyń sońyna deıin qosymsha 150 myń dozany jetkizý kútilip otyr. 2021 jylǵy 19 naýryzdaǵy jaǵdaı boıynsha 100 myńnan astam adam egildi, onyń ishinde 63 myńnan astam medısına qyzmetkeri, 22 myń pedagog, kúsh qurylymdarynyń 7 myń qyzmetkeri, 8 myń azamattardyń basqa sanattary», dep jazdy mınıstr Facebook-te.Mınıstrdiń aıtýynsha, ımmýndaýdan keıingi qolaısyz kórinisterdiń aýyr jaǵdaılary tirkelgen joq.«Bul rette egilgen adamdardyń 1%-ynda kútiletin reaksııalar, mysaly, dene temperatýrasy kóterilgen tumaýǵa uqsas jaı-kúıler, jalpy álsizdik, sondaı-aq vaksına engizilgen jerdiń isinýi jáne qyzarýy túrindegi jergilikti kórinister tirkelýde. Halyqty odan ári ımmýndaý maqsatynda bıyl sáýir aıynda 1 mln astam azamat vaksınasııalanatyn bolady. Osyǵan baılanysty sozylmaly aýrýlary bar dıspanserlik esepte turǵan, 65 jastan asqan adamdardy, sondaı-aq azamattardyń basqa da sanattaryn qosa alǵanda, vaksınasııalaýǵa jatatyn halyq toptaryn keńeıtý kózdelýde. Vaksınasııa KVI-men kúresýdegi eń tıimdi shara bolyp tabylady», dep túıindedi Densaýlyq saqtaý mınıstri.