Qostanaı oblysynyń órt sóndirýshileri «30 ıgi is» aksııasy aıasynda jalǵyz basty qarttardyń aýlasyn qardan tazartty, dep habarlaıdy Egemen.kz
Búgin «Drýjba» shaǵyn aýdanynda turatyn zeınetkerge kómekke barǵan úsh qutqarýshy aýlada jınalyp qalǵan qardyshyǵaryp, úıden syrtqy jolǵa deıingi aralyqty tazartty.
О́rt sóndirýshiler bıyl jyl boıy jalǵyz basty zeınetkerlerdiń aýlasyndaǵy qardy kúrep, qysqy otyndaryn daıyndaýǵa kómektesýdi josparlap otyr. Sondaı-aq, jeke úılerdi aralap, turǵyndarǵa medısınalyq maskalar taratady.
«Aksııanyń maqsaty – qalada turatyn jalǵyz basty zeınetkerlerge, eńbek ardagerlerine, qolǵabys kórsetý. Qaıyrymdylyq sharasyna qala turǵyndary da qatysa alady» dep habarlady oblystyq órt sóndirý qyzmetiniń baspasóz ortalyǵy.