22 naýryzǵa qaraǵan túni Almaty qalasy Medeý aýdanynyń baqylaý toby Qurmanǵazy kóshesi, 25 jeken-jaıynda ornalasqan Boom Bar túngi klýbynyń qonaqtaryn shyǵardy (burynǵy The Artist degen atymen belgili). Bul mekeme qalanyń Bas memlekettik sanıtarlyq dárigeriniń qaýlysyn óreskeo buza otyryp, jumys istegen.
Monıtorıngtik top kelgen kezde mekemede 150-170-ge jýyq adam bolǵan. Jumys rejımin buzýdan basqa, adamdardyń jappaı jınalýyna tyıym salý, maska rejımi, áleýmettik araqashyqtyq sııaqty epıdemıologııalyq talaptardyń saqtalmaýy tirkeldi.
Eske salsaq, qalada shekteý sharalary kúsheıtilgen. Buqaralyq is-sharalarǵa, sondaı-aq birqatar kásipkerlik sýbektileriniń, ásirese oıyn-saýyq mekemeleriniń jumysyna tyıym salynady. Karantındik standarttardyń saqtalýyn qamtamasyz etý maqsatynda qalada 32 monıtorıngtik top jumys isteıdi, olardyń quramyna aýdan ákimdiginiń, jergilikti polısııa qyzmetiniń qyzmetkerleri, sondaı-aq «Atameken» kásipkerler palatasynyń ókilderi kiredi.
Buǵan deıin, aǵymdaǵy jyldyń 18-21 naýryz aralyǵynda túngi tekserý kezinde 1800 nysan zertteldi. 205 nysanda buzýshylyqtar anyqtaldy. Zańdy tulǵalarǵa qatysty tıisti sharalar qabyldandy. Sondaı-aq, karantındik sharalardy buzǵany úshin 321 tulǵaǵa aıyppul salyndy.
Almaty qalasynyń ákimdigi azamattardy qyraǵylyqqa shaqyrady. Adamdar kóp jınalatyn oryndarǵa barmaı, epıdemıologııalyq talaptardy saqtaý qajet. Bul sharalar koronavırýstyq ınfeksııa tizbegin úzýge baǵyttalǵan - kúndelikti KVI ınfeksııasynyń ósýi 300 jaǵdaıdan asady.