Qostanaı oblysynda ózender men sý qoımalaryndaǵy muz jarý jumystary jalǵasýda. Seń qozǵalǵansha júretin mundaı sharalar sý tasqynynan tónetin qaýiptiń aldyn alady, dep habarlaıdy Egemen.kz.
Oblystyq TJD qoǵammen baılanys tobynyń málimetinshe, mereke kúnderi «NIKSIT» JShS mamandary Naýyrzym aýdanyndaǵy Dámdi ózeni men Sholaqsaı aýylynyń mańyndaǵy bógette jarylys júrgizgen. Sondaı-aq jarýshylar jasaǵy Qarasý aýdany Qaramyrza aýylynyń mańyndaǵy Tintýir ózeni men Qarasý ózenindegi muz keptelisin joıǵan.
Muz jarý jumystary Qarasý aýdanyna qarasty Novoselov aýylynan 3 shaqyrym jerdegi Qundyzdy ózeninde, Qarasý aýylynyń mańynda, Naýyrzym aýdanyndaǵy Býrevestnık aýylyna jaqyn jatqan bógetterde, Áýlıekól aýdany Kóktal aýylynyń mańyndaǵy Terekti ózeniniń saǵasynda júrip jatyr.
«Muzdyń ortasha qalyńdyǵy 1 metrden asady. Muz jarý jumystaryna oblystyq TJD, polısııa departamenti men jergilikti atqarý organdarynyń ókilderi jáne «NIKSIT» seriktestiginiń mamandary qatysýda. Jarylys kezinde barlyq qaýipsizdik sharalary qarastyryldy», dep málimdedi Oblystyq TJD qoǵammen baılanys toby.