Tennısten Qazaqstan qyzdar quramasynyń kapıtany Iаroslava Shvedova AQSh-tyń Maıamı qalasynda uıymdastyrylǵan WTA 1000 týrnıriniń ekinshi aınalymyna shyǵa almady.
Florıda shtatynda ótip jatqan tennıs básekesiniń ekinshi kúninde kortqa shyqqan Shvedova atalǵan týrnırdiń irikteý básekesinde jeńiske jetken chehııalyq sportshy Tereza Martınsovamen sheberlik baıqasty. Dúnıejúzilik reıtıngte 105-orynda turǵan cheh qyzy 1 saǵat 23 mınýtqa sozylǵan matchta jerlesimizdi eki sette 6:4, 6:2 esebimen esh qıyndyqsyz jeńip ketti. Alǵashqy aınalymda súringen Iаroslava Shvedova WTA reıtınginde 25 upaı jáne 16 000 AQSh dollaryn ıelendi.
Elena Rybakına men Iýlııa Pýtınseva jarysty búgin keshke ekinshi aınalymnan bastaıdy. Rybakına estonııalyq Kaııa Kanepımen, Pýtınseva serbııalyq Nına Stoıanovıchpen kezdesedi.