Qostanaıda KIA avtomobılderi qurastyryla bastady. Búgin óńirge jumys saparymen kelgen QR Premer-Mınıstri Asqar Mamın men «KIA Motors Rossııa ı SNG» JShQ prezıdenti Kım Djın Ha «SaryarqaAvtoProm» JShS zaýytynda KIA óndiristik jelisiniń ashylý rásimine qatysty.
Otandyq avtokólik óndirisine tyń serpin beretin jańa joba jóninde QR Premer-Mınıstriniń resmı aqparattyq resýrsy málimdedi.
Joba sheńberinde jylyna 20 myń KIA avtomobılderin shyǵarý josparlanǵan. О́nimdi oqshaýlaý deńgeıi shanaqtardy dánekerleý jáne boıaý operasııalaryn qosa alǵanda, usaq torapty óndiris tehnologııalaryn qoldaný arqyly 50%-ǵa deıin arttyrylatyn bolady. «Avtomobıl jasaý Qazaqstannyń ındýstrııalyq damýynyń strategııalyq mańyzdy baǵyttarynyń biri jáne ol jyl saıyn oń dınamıkany kórsetip kele jatyr», dedi A. Mamın.
Premer-Mınıstr, sonymen qatar, «KamLitKZ» shoıyn quımasyn óndirý zaýytynyń qurylys barysymen tanysty. Qurylystyń birinshi kezeńin 2021 jyldyń qazan aıynda, ekinshi jáne úshinshi kezeńderin 2023 jyly aıaqtaý josparlanǵan. Jobanyń quny 80 mlrd teńgeni quraıdy. 300 jańa jumys orny qurylady. Jobalyq qýatyna qol jetkizgen soń óndiriste K5 jańa býynnyń júk kólikterine arnalǵan jetek karterleri, sılındr bloktary men qozǵaltqysh sılındri bloktarynyń bastıekteri shyǵarylyp, jalpy kólemi jylyna 40 myń tonnadan astam shoıyn quımasyn quraıtyn bolady. Jobany iske asyrý Qazaqstandy «KAMAZ» JAQ jetkizýshileriniń jahandyq tehnologııalyq tizbegine engizedi - ónimniń 95%-y eksporttalatyn bolady.
Úkimet basshysy QR aýmaǵynda shyǵarylatyn aýyl sharýashylyǵy tehnıkasyndaǵy qazaqstandyq qamtý deńgeıin edáýir arttyrýǵa baǵyttalǵan «AgromashHoldıng» AQ oqshaýlaý ortalyǵynda boldy. 36 myń sharshy metr aýmaqta metaldy lazermen kesýge, maıystyrýǵa, syrlaýǵa jáne dánekerleýge, plastık buıymdaryn, ınterer bólshekterin, termoshýoqshaýlaǵyshty óndirýge, konveıerlik qurastyrýǵa jáne t.b. arnalǵan avtomattandyrylǵan jeliler ornatylǵan. Bul jabdyqtar «О́nerkásipti damytý qory» AQ qarjy quraldary arqyly satyp alyndy. Jaqynda oqshaýlaý ortalyǵynda aýyl sharýashylyǵy tehnıkasyna arnalǵan komponentterdiń 1200-den astam ataýy, sondaı-aq «Kıroves», «Essil», «Lovol», «Pottinger», «Deutz-Fahr», JAC, Chevrolet brendteriniń jáne t. b. avtomobıl ónerkásibi ataýlary shyǵarylatyn bolady.
Premer-Mınıstr «KAMAZ», «Tatneft», «AvtoVAZ» jáne «KIA Motors» kompanııalarynyń basshylyǵymen avtomobıl jasaý salasyndaǵy yntymaqtastyqty odan ári damytý perspektıvalaryn talqylady. Qazaqstanda aýyl sharýashylyǵy tehnıkasy óndirisin jergiliktendirýdi arttyrý máseleleri «Peterbýrg traktor zaýyty» AQ, belarýstik «Gomselmash» AAQ jáne ıtalııalyq «SDF Group» basshylyǵymen kezdesýlerde qaraldy.
Kelissózder qorytyndysy boıynsha A. Mamınniń qatysýymen avtomobıl jasaýda birlesken jobalardy iske asyrý boıynsha 9 qujatqa, onyń ishinde ónerkásiptik qurastyrý týraly kelisimderge, ınvestısııalyq kelisimderge jáne arnaıy ınvestısııalyq kelisimsharttarǵa qol qoıyldy.
Jumys sapary aıasynda Premer-Mınıstr óńirdegi AО́K, aýyl sharýashylyǵy mashınalaryn jasaý salasynda iske asyrylyp jatqan jobalarmen, sondaı-aq «Nurly jer» memlekettik baǵdarlamasy boıynsha turǵyn úı ınfraqurylymyn damytý barysymen tanysty.