Sáýirde 81,5 myń almatylyqty koronavırýsqa qarsy vaksınasııalaý josparlanyp otyr, dep habarlaıdy Egemen.kz.
Qoǵamdyq densaýlyq saqtaý basqarmasynyń málimetinshe, «Spýtnık V» vaksınasynyń alǵashqy transhy qalaǵa aqpan aıynda jetkizildi.
«Spýtnık V» vaksınasynyń birinshisi 1750 dozasy aqpanda alynyp, eki komponent te 100 paıyzǵa ıgerildi. Ekinshisi naýryzda 10 800 doza kóleminde boldy. Birinshi komponent 100 paıyzǵa ıgerildi, revaksınasııa bastaldy. Úshinshi 3200 doza naýryzda keldi. Birinshi komponent 100 paıyzǵa ıgerildi, revaksınasııa úshin ekinshi komponentti kútip otyrmyz. Sáýirde 81 500 doza jetkizilýi tıis. Iаǵnı sáýirde 81 500 almatylyq «Spýtnık V» vaksınasyn saldyrady» dep habarlady basqarmadan.
Sonymen qatar, basqarmadaǵylar mamyr aıynda vaksınanyń 65 200 dozasyn jetkizý josparda ekenin atap ótti. Biraq bul aldyn ala derekter, óıtkeni densaýlyq saqtaý mınıstrligi Almatyǵa jetkiziletin vaksınany kóbeıtý máselesin qarastyryp jatyr.
Eske sala keteıik, Almaty qalalyq qoǵamdyq densaýlyq saqtaý basqarmasynyń ókili, telemedısına ortalyǵynyń dırektory Laýra Myrzaǵalı saýda úıleri men bazarlardaǵy halyqty vaksınasııalaý máselesi pysyqtalyp jatqanyn aıtqan bolatyn.