Elbasy belgili memleket qaıratkeri Vladımır Shepeldiń týǵan-týystary men jaqyndaryna kóńil aıtý jedelhatyn joldady, dep habarlaıdy Egemen.kz elbasy.kz saıtyna silteme jasap.
Qazaqstannyń Tuńǵysh Prezıdenti Vladımır Nıkolaevıch Shepeldiń qaıtys bolǵany týraly sýyt habardy kúızelispen qabyldady. Elbasy V.Shepel óziniń uzaq jyldarǵa sozylǵan eńbek jolyn memlekettik qyzmetke arnap, táýelsiz Qazaqstannyń qalyptasýy men damýyna súbeli úles qosqanyn atap ótti.
«Ol árdaıym óziniń joǵary kásibıligimen, tabandy ómirlik ustanymdarymen, adamı qasıetterimen erekshelenetin. Vladımır Nıkolaevıch Shepeldiń jarqyn beınesi jurtshylyqtyń júreginde máńgi saqtalady» delingen jedelhatta.