Atyraýda aldaǵy dúısenbi, 29 naýryzda saǵat 00:00-de kúshine enetin jańa qaýlyǵa sáıkes, ashyq jáne jabyq bazarlardyń, sondaı-aq, saýda úıleri men ortalyqtardyńjumys kestesi ózgerdi, dep habarlaıdy Egemen.kz.
Azyq-túlik jáne azyq-túlik emes jabyq bazarlardyń kúndelikti jumys kestesi saǵat 09.00-den 19.00-ge deıin ruqsat etildi. Al, senbi men jeksenbide jumys isteýine tyıym salynyp otyr. Sondaı-aq, azyq-túlik jáne azyq-túlik emes ashyq bazarlar kún saıyn saǵat 09.00-den 19.00-ge deıin, senbide saǵat 09.00-den 17.00-ge deıin jumys isteıdi. Tek jeksenbide jumys istemeıdi.
«Saýda úıleri men ortalyqtaryna (pavılondar, býtıkter), saýda jelilerine, azyq túlik emes dúkenderine saǵat 10.00-den 22.00-ge deıin (toltyrylýy obekt syıymdylyǵynyń 30%-nan asyrmaı, 1 kelýshige 4 sharshy metrden kem emes)jumys isteýine ruqsat etiledi. Onyń ishinde ornalasqan azyq-túlik sýpermarketteri men dárihanalardy qospaǵanda senbi jáne jeksenbi kúni jumys jasaýyna tyıym salynady» delingen bas sanıtar dárigerdiń qaýlysynda.