Atyraý oblysynda ótken táýlikte 93 adam koronavırýs ınfeksııasyn juqtyryp, 92 naýqas saýyǵyp shyqty, dep habarlaıdy Egemen.kz.
Oblystyq sanıtarııalyq-epıdemıologııalyq baqylaý departamenti baspasóz qyzmetiniń aqparatyna súıensek, Atyraý qalasynda 40 adam qaýipti vırýs juqtyryp otyr. Al, Teńiz kenishinde 41 jumysshy, Mahambet aýdanynda 5,Jylyoıda – 2, Qyzylqoǵada – 2, Isataıda – 2, Inder aýdanynda 1 adam koronavırýs ınfeksııasyna shaldyqqan. Onyń ishinde 35 naýqasta Covid-19-dyń sımptomdy túri anyqtaldy.
«Sońǵy málimetke sáıkes, ótken táýlikte koronavırýs ınfeksııasynan 92 adam emdelip shyqty. Qazir 170 adam úı jaǵdaıynda emdelýde. Oblystyq ınfeksııalyq stasıonarda 8, modýldik stasıonarda 123, al aýdandardaǵy ınfeksııalyq stasıonarlarda 24 pasıent oqshaýlanǵan. Teńiz kenishindegi ınfeksııalyq stasıonarda 309 adam em qabyldap jatyr» dep habarlady departamenttiń baspasóz qyzmeti.