«Nurly jer» baǵdarlamasy júzege asyryla bastaǵan 4 jyldyń ishinde óńirde 2 mıllıon sharshy metrden astam turǵyn úı salyndy, 17 myńnan astam otbasy baspana máselesin sheshti, dep habarlaıdy Egemen.kz QazAqparatqa silteme jasap.
Aqmola oblystyq qurylys basqarmasynyń deregi boıynsha, ótken jyly oblysta 574 myń sharshy metr turǵyn úı paıdalanýǵa berilip, jyldyq jospar 7,4 paıyzǵa asyra oryndaldy. Byltyrǵy jyldyń qorytyndysy boıynsha salynǵan turǵyn úı sanynyń halyqtyń jalpy sanyna qatynasy boıynsha respýblıkanyń soltústik jáne ortalyq óńirleri arasynda kósh bastap tur. Iаǵnı, 737 myń turǵynǵa shaqqanda 600 myń sharshy metr turǵyn úıdi quraıdy.
«Aqmola oblysynda turǵyn úı qurylysy baǵdarlamasy barlyq baǵyttar boıynsha júrgiziledi: satyp alýsyz jalǵa beriletin turǵyn úı qurylysy, nesıelik turǵyn úı qurylysy, jeke turǵyn úı qurylysyn damytý, jeke qurylys salýshylardy turǵyn úı qurylysyna yntalandyrý, kvazımemlekettik sektor sýbektilerin tarta otyryp, turǵyn úı qurylysy. «Nurly jer» aıasynda «7-20-25», «Shańyraq» jáne «Baqytty otbasy» baǵdarlamalary júzege asyrylýda», dep atap ótti oblystyq vedomstvodan.
Halyqtyń birneshe sanatyn qamtıtyn baǵyttardyń biri – satyp alý quqyǵynsyz jalǵa beriletin turǵyn úı salý bolyp otyr. Jalǵa beriletin jyljymaıtyn múlik kóp balaly otbasylarǵa, tolyq emes otbasylarǵa, múgedek balalardy tárbıelep otyrǵan otbasylarǵa, ákimdikterde kezekte turǵandarǵa jáne jumys isteıtin jastarǵa arnalǵan.
О́tken jyly osy baǵyt boıynsha 12 kóppáterli turǵyn úı nemese 537 páter salyndy, onyń 186-y Selınograd aýdany Atbasar, Stepnogor, Makınsk, Esil, Stepnıak qalalarynan, Qosshy aýylynan kópbalaly otbasylarǵa berildi.
2021 jyly oblysta baǵdarlamanyń barlyq baǵyttary boıynsha 600 myń sharshy metrden astam turǵyn úı salynady.