Qazaqstan Elshisi Konstantın Jıgalov Eýropalyq ýnıversıtettiń Barselona bıznes-mektebinde (EU Business School Barcelona) elimizdiń táýelsizdiginiń 30 jyldyǵyna arnalǵan dáris oqydy, dep habarlaıdy Egemen.kz SIM baspasóz qyzmetine silteme jasap.
Qazaqstandyq dıplomat aýdıtorııany Prezıdent Qasym-Jomart Toqaevtyń «Táýelsizdik bárinen qymbat» maqalasynyń negizgi erejelerimen tanystyrdy jáne Qazaqstannyń úsh tarıhı onjyldyqtaǵy jetistikterin egjeı-tegjeıli sıpattady, olardyń árqaısysy memleket tarıhynda erekshe oryn alady.
K.Jıgalov eldi ozyq derjavaǵa aınaldyrýda Tuńǵysh Prezıdentimiz - Nursultan Nazarbaev zor úles qosqanyn atap ótti. Elshi Elbasynyń negizgi syrtqy saıası bastamalaryna egjeı-tegjeıli toqtalyp, olardy iske asyrý barysymen tanystyryp, Qazaqstannyń halyqaralyq bedelin aıtarlyqtaı nyǵaıtty.
Aýdıtorııany elimizdi odan ári jańǵyrtýǵa baǵyttalǵan Qazaqstan basshylyǵynyń strategııasy, Prezıdenttiń saıası reformalarynyń úsh paketiniń dáıektiligi men úılesimdi sıpaty qyzyqtyrdy.
Dáris tikeleı ınteraktıvti dıalog túrinde jalǵasyn tapty, onyń barysynda K.Jıgalov Germanııa, Nıderland, Kanada, Meksıka, Lıvan, Bolıvııa stýdentteriniń, sondaı-aq bıznes-mektepte oqıtyn qazaqstandyq stýdentterdiń úlken tobynyń kóptegen suraqtaryna jaýap berdi.
Olarmen Naýryz meıramyna oraılastyrylǵan Elshiniń jeke kezdesýi ótti. Stýdentter ózderiniń eńbek kúnderi men bolashaqqa josparlary týraly aıtyp berdi. Sonymen qatar, Barselonadan basqa da Shveısarııa (Jeneva) jáne Germanııada (Mıýnhen) óz kampýstary bar bıznes-mekteptegi oqý prosesiniń deńgeıi týraly joǵary pikir bildirdi.
Qazaqstannyń Ispanııamen bilim berý salasyndaǵy yntymaqtastyǵyn nyǵaıtý dál sol kúni K.Jıgalovtyń Barselona ýnıversıtetiniń basshylyǵymen kezdesýi barysynda talqylandy.