Atyraýda koronavırýs juqtyryp, jaǵdaıy aýyrlaǵan 13 naýqas jansaqtaý bóliminde jatyr, dep habarlaıdy Egemen.kz.
Oblystyq densaýlyq saqtaý basqarmasy basshysynyń orynbasary Qaısar Abdalıevtyń aıtýynsha, 27 naýryzdaǵy málimetke sáıkes, ınfeksııalyq stasıonarlarda em qabyldap jatqan naýqastardyń sany 464-ke jetken. Osylaısha, óńirdegi ınfeksııalyq stasıonarlardyń júktemesi 24%-dy quraıdy.
«Atyraý qalasyndaǵy №2 oblystyq aýrýhanada 8, modýldik stasıonarda 123, Teńiz ken ornyndaǵy ınfeksııalyq stasıonarda 309 naýqas emdelip jatyr. Sondaı-aq, Jylyoı aýdandyq aýrýhanasynda – 4, Inder aýdandyq aýrýhanasynda – 7, Isataı aýdandyq aýrýhanasynda – 1, Qurmanǵazy aýdandyq aýrýhanasynda – 3, Qyzylqoǵa aýdandyq aýrýhanasynda – 4, Mahambet aýdandyq aýrýhanasynda 5 naýqas emdelýde» deıdi Qaısar Abdalıev.
Onyń málimetine súıensek, Sovid-19 dıagnozymen jansaqtaý bóliminde 13 naýqas túsken. Onyń ishinde 10 naýqas aýyr halde, úsh naýqas óte aýyr halde jatyr. Al, eki pasıent ókpeni jasandy jeldetý apparatyna qosylǵan. Atyraý oblysynda 430 tósektik rezervtik ınfeksııalyq stasıonar daıyndalǵan.