Jambyl oblysynda Ǵ.Baıtasovty eske alýǵa arnalǵan voleıboldan týrnır ótti, dep habarlaıdy Egemen.kz Jambyl oblysy Polısııa departamentiniń bastyǵy Janat Súleımenovtiń Feısbýk paraqshasyna silteme jasap.
«Búgin «Dınamo» dene shynyqtyrý-sport kesheninde Jambyl oblysy Polısııa departamentiniń uıymdastyrýymen «Halyq Qaharmany» Ǵazız Baıtasovty eske alýǵa arnalǵan voleıboldan oblystyq týrnır ótti. Sporttyq is-shara barlyq sanıtarlyq-talaptardy saqtaýmen uıymdastyryldy» delingen jazbada.
Janat Súleımenovtiń jazýynsha, Sharanyń saltanatty ashylý rásimine Qazaqstan Respýblıkasy Parlament Senatynyń depýtaty Abdaly Nuralıev, Memlekettik qaıratker, oblystyń qurmetti azamaty Muratbaı Joldasbaev, Jambyl oblysy Polısııa departamenti janyndaǵy konsýltatıvtik-keńesshi organnyń tóraǵasy, «Qazaqstannyń Eńbek Eri» Muqash Eskendirov, oblys boıynsha Ulttyq qaýipsizdik komıteti departamentiniń bastyǵy Marat Irmenov, Memlekettik kirister departamentiniń bastyǵy Qaırat Qarmandaev, Qylmystyq-atqarý júıesi departamentiniń bastyǵy Teńizjan Jánibekov jáne batyrdyń eki uly Armanjan men Ádiljan Baıtasovtar qatysqan.
«Týrnırde 10 komanda baq synady. Tartysty ótken oıyndar nátıjesinde 1-oryndy Ulttyq qaýipsizdik komıtetiniń Jambyl oblystyq departamenti jeńip aldy. 2-oryndy týrnır uıymdastyrýshylarynyń arnaıy shaqyrýymen kelgen «Qazfosfat» komandasy aldy. 3, 4-oryndardy Polısııa departamenti jáne Tótenshe jaǵdaılar departamenti ıelendi.
Ǵazız Baıtasovtyń esimin ulyqtaý sharasy jyl saıyn jalǵasyn tabatyn bolady. Aldaǵy 3 sáýir kúni polısııa kapıtany 50 jasqa tolar edi», dep atap ótti polısııa general-maıory.