О́zbekstan Respýblıkasy Qazaqstannan tasymaldanatyn qus jáne mal sharýashylyǵy ónimderin kirgizýge tyıym salǵan ýaqytsha shekteýlerdi alyp tastady, dep habarlaıdy Egemen.kz QR AShM resmı saıtyna silteme jasap.
О́zbekstan Respýblıkasynyń Veterınarııa jáne mal sharýashylyǵyn damytý memlekettik komıteti 2021 jyldyń 19 naýryzynan bastap tiri qustardy (onyń ishinde sándik qustardy), ınkýbasııalyq jumyrtqany, mamyq pen qaýyrsyndy, qus etin, jumyrtqany jáne qus sharýashylyǵy óniminiń basqa da túrlerin, sondaı-aq Qazaqstan Respýblıkasynan qustardy kútip-baǵýǵa, soıýǵa arnalǵan jabdyqtardy О́zbekstan Respýblıkasynyń aýmaǵyna kirgizýge jáne tasymaldaýǵa engizilgen ýaqytsha shekteýlerdi alyp tastady.
Sondaı-aq, tiri maldy (onyń ishinde jabaıy, sırk jáne haıýanattar baǵy janýarlaryn), shıki et pen et ónimderin, jylýmen óńdelmegen sút jáne sút ónimderin, genetıkalyq materıaldardy, júndi, shashty, qyldy, trofeılerdi, ishek shıkizatyn, teri men bylǵaryny, Shymkent qalasy men Aqmola oblysynan malǵa azyq beretin (sý, jem, shóp beretin astaýlar) jáne maldy soıýǵa arnalǵan jabdyqtardy kirgizýge, tasymaldaýǵa tyıym salynǵan ýaqytsha shekteýler alynyp tastaldy.