Microsoft kompanııasynyń negizin qalaýshy Bıll Geıts álemdegi koronavırýs pandemııasy 2022 jyldyń sońyna deıin jalǵasady degen boljamymen bólisti.
Polsha telearnasyna bergen suhbatynda belgili kásipker álem elderinde engizilgen shekteýler COVID-19-dan tolyq arylmaı jalǵasa beredi degen pikir aıtty.
«2021 jyldyń sońyna deıin vaksınalaý qarqyndy júredi dep oılaımyn. Sol kezde aýrý juqtyrý deńgeıi de tómendeı bastaıdy. Biraq biz beleń alǵan ınfeksııanyń kózin tolyǵymen joımaı, shekteý sharalary jalǵasa beredi», dedi ol.
Bıll Geıtstiń boljamy boıynsha, adamdar qalypty ómirge 2022 jyldyń sońynda kelýi múmkin.
Sonymen qatar ol «óziniń osy pandemııaǵa qatysy bar» degen qaýesetke baılanysty oıyn aıtty. Kásipker «koronavırýs qoldan jasalǵan, adamdardyń ómirin qııý – saıası strategııa» degen boljammen kelispeıtinin aıtty.
«Mundaı pikirdi estý kúlkili ári óte ókinishti. Bireýler koronavırýs qoldan jasalǵan dep betperde taǵýdan, endi bireýleri ekpeden bas tartyp jatyr. Anyǵynda, bul adamdardyń biliminiń taıazdyǵy. О́ıtkeni vırýsty densaýlyq saqtaý organdary, zerthanalar zerttep baryp, qorǵaný sharalary usynyldy. Al ony joqqa shyǵarý qısynsyz», dedi mıllıarder.
Jalpy, byltyr pandemııa jarııalanǵan ýaqytta bul vırýstyń qoldan jasalǵany týraly aqparat tarady. Tipti birqatar aqparat agenttigi bul oıdy durys sanap, kóppen bólisti. Al «qoldan jasaýshylar» qatarynda saıasatkerlermen birge Bıll Geıtstiń esimi de ataldy. Degenmen, kásipker bul pikirdiń oıǵa qonymsyz ekenin aıtyp, aqtaldy.