Qostanaılyq oqýshylar Elbasy medalimen marapattaldy.
El kóleminde júzege asyrylyp jatqan aıtýly jobaǵa búginde sport, daǵdy men daryn, kitap oqý, ulttyq mura, týrıstik saıahattar jáne eńbek tájirıbesi baǵyttary boıynsha 14 pen 29 jas aralyǵyndaǵy 8600 talapker qatysyp jatyr.Joǵaryda atalǵan jeti baǵyt boıynsha eleýli jetistikke jetken 17 daryndy oqýshyǵa Elbasy medalin oblystyq bilim basqarmasynyń basshysy Záýre Baımenova tabys etti. Daryndy shákirtterdi marapattaý rásimi 29-naýryz kúni «Ozat» aqparattyq tehnologııalar mektep-lıseıinde ótti.
«Oblysta barlyq oqýshylar úshin teń bastama múmkindikterdi qurý mindeti sheshilýde. «Elbasy Medali» bizdiń jastarymyz úshin tabys pen ózin-ózi iske asyrý jolyndaǵy mańyzdy qadam bolmaq», - dedi marapat ıeleriniń bilim men ǵylym jolyndaǵy izdenisterine sáttilik tilegen basqarma basshysy.
Saltanatty jıynda oqýshylarmen qatar,«Psıhologııalyq qoldaý jáne qosymsha bilim berý óńirlik ortalyǵynyń» dırektory Elena Petrenko, Qostanaı qalasy balalar men jasóspirimderdiń tehnıkalyq shyǵarmashylyq mektebi dırektorynyń oqý-tárbıe jumysy jónindegi orynbasary Natalıa Zýbko, Qostanaı aýdany Balalar shyǵarmashylyq úıiniń qosymsha bilim berý pedagogy Láıla Ospanova syndy ustazdar qosymsha bilim berý salasyndaǵy erekshe qyzmeti úshin marapattaldy.
Qostanaı oblysy