Pavlodarda voleıboldan áıelder komandalary arasynda kezekti Qazaqstan chempıonaty máresine jetti. Pleı-off qorytyndysy boıynsha О́skemenniń «Altaı» klýby úzdik shyqty.
Bıyl 29 márte uıymdastyrylǵan el birinshiliginiń pleı-off kezeńindegi barlyq kezdesýde jeńiske jetken «Altaı» Qazaqstannyń bes dúrkin chempıony atandy. 2005 jyly qurylǵan О́skemen klýby buǵan deıin 2016, 2017, 2018 jáne 2019 jyldary bas júldeni oljalaǵan bolatyn. Al ekinshi orynǵa byltyrǵy chempıonatta top jarǵan Taldyqorǵannyń «Jetisýy» ıe boldy. Úzdik úshtikti Petropavldyń «Qýanysh» komandasy túıindedi. Aıta keteıik, «Qýanysh» tuńǵysh ret Qazaqstan chempıonatynyń júldegerleri qatarynan kórindi.
El birinshiliginiń qorytyndysy boıynsha, «Jetisý» oıynshysy Nadejda Kodola men «Qýanysh» klýbynyń namysyn qorǵaıtyn Svetlana Parýkova týrnırdiń «Úzdik shabýylshysy» ataǵyn ıelendi.