Almatylyq jas mamandarǵa baspana alýǵa múmkindik beretin «Almaty jastary» turǵyn úı baǵdarlamasyna qujat qabyldaý merzimi aıaqtaldy, dep habarlaıdy Egemen.kz.
Bıyl «Almaty jastary» qalalyq turǵyn úı baǵdarlamasy aıasynda 1000 páter beriledi. Baǵdarlamaǵa qatysý úshin 9 741 ótinim berilgen. О́tinishterdiń basym bóligi bilim, densaýlyq saqtaý, ishki ister organdarynyń qyzmetkerlerinen tústi.
Eske sala keteıik, jyljymaıtyn múlik naryǵynda baǵanyń ósýine baılanysty bul joly nesıege 18 mıllıon teńge beriledi. Al paıyzdyq mólsherleme 5 paıyz, bastapqy jarna 10 paıyz bolady.
Baǵdarlamaǵa jasy 35-ke tolmaǵan jastar qatysa alady. Otbasynda tek bir adamnyń ótinishi qabyldanady. О́tinish berýshiniń kúıeýiniń nemese áıeliniń jas ereksheligi eskerilmeıdi. Sondaı-aq otbasynyń sońǵy bes jylda baspanasy bolmaýy tıis jáne jyljymaıtyn múlikke murager bolmaýy kerek.
«Almaty jastary» baǵdarlamasyna qatysýshylardyń sońǵy 6 aıdaǵy zeınetaqy jarnasy bolýy nemese eń az degende jarty jyl Almatyda jeke kásipker retinde tirkelýi kerek.