Búgin QR Aqparat jáne qoǵamdyq damý vıse-mınıstri Ashat Oralovtyń tóraǵalyǵymen QR AQDM janyndaǵy Jastar uıymdaryn damytý jónindegi úılestirý keńesiniń kezekti otyrysy ótti.
Úılestirý keńesiniń onlaın-otyrysyna respýblıkalyq jastar uıymdarynyń jetekshileri men ókilderi, ortalyq memlekettik organdardyń qyzmetkerleri jáne basqalar.
Úılestirý keńesiniń tóraǵasy Ashat Oralov, ortalyq memlekettik organdar men jastar uıymdary arasyndaǵy ózara is-qımyl men turaqty dıalogtyń mańyzdylyǵyn atap ótti.
2020 jylǵy jastar jáne otbasy salasyndaǵy jumystyń negizgi nátıjeleri jáne 2021 jylǵa arnalǵan ózekti mindetter týraly Jastar jáne otbasy isteri komıtetiniń tóraǵasy Shahmardan Baımanov aıtyp berdi.
Qatysýshylar otyrys jumysynyń barysynda «Jastardy damytý ındeksi» uǵymyna erekshe toqtaldy. Atap ketsek, Memleket basshysy Q.Toqaev aǵymdaǵy jyldyń 15 qańtarynda ótken QR Parlamentiniń birinshi sessııasynda sóılegen sózinde Qazaqstanda álemdik tájirıbege sáıkes jastardyń damý ındeksin engizýdi usyndy. Máselen, «Jastar» ǵylymı-zertteý ortalyǵynyń dırektory A.Saqoshev zań jobasy aıasynda «Jastardy damytý ındeksi» uǵymyn bilim berý, densaýlyq saqtaý, jumyspen qamtý, bos ýaqyt jáne ınfraqurylymǵa qoljetimdilik salalary boıynsha negizgi ındıkatorlardy qamtıtyn memlekettik jastar saıasatyn iske asyrý bóliginde jergilikti atqarýshy organdar qyzmeti tıimdiliginiń keshendi kórsetkishi retinde tolyqtyrý usynylatynyn aıtty.
Otyrys barysynda respýblıkalyq jastar uıymdarynyń ókilderi aǵymdaǵy jylǵa arnalǵan jumys josparlarymen bólisip, odan ári tyǵyz yntymaqtastyqqa daıyn ekendikterin bildirdi.
Anyqtama:Jastar uıymdaryn damytý jónindegi úılestirý keńesi Qazaqstan Respýblıkasynyń zańnamasyna sáıkes qurylatyn jáne óz qyzmetin jastar uıymdarynyń tıimdi ózara is-qımyl jasaýy, qyzmetin úılestirýdi kúsheıtý jáne odan ári jetildirý jóninde usynymdar tujyrymdaý maqsatynda júzege asyratyn, ýákiletti organ janyndaǵy konsýltatıvtik-keńesshi organ bolyp tabylady.