2021 jyly 286 aýyl 2G-den 3G jáne 4G-ge, 51 aýyl spýtnıktik transmıssııadan jerústi ınfraqurylymyna aýystyrylady, halqynyń sany 250 adamnan az taǵy 292 aýyl baılanys sapasyn jaqsartady. Bul týraly Ortalyq kommýnıkasııalar qyzmetinde ótken brıfıngte sıfrlyq damý mınıstrliginiń basshysy Baǵdat Mýsın málimdedi. Onyń aıtýynsha, tehnıkalyq múmkindikter bar. Sonymen qatar, baılanys sapasyn baqylaý kúsheıtildi, dep habarlaıdy Egemen.kz OKQ-ǵa silteme jasap.
«Internet sapasyn baqylaý úshin arnaıy jabdyqtar satyp alyndy. Olar altaý boldy jáne biz olardyń barlyǵyn el boıynsha qoldandyq, qazir olardyń sany – 17, olar ár oblys ortalyǵynda bar. Biraq sapany tekserý úshin biz óńirlerge shyǵamyz. Mysaly, Túrkistan oblysyna jasaǵan sapar barysynda biz Shymkentten Túrkistanǵa barar jolda ınterneti álsiz eki aýyldy anyqtadyq. Osy jabdyqtarmen ólsheýler júrgizildi, aıyppul salyndy jáne aqaýlardy joıý úshin 2 aı ýaqyt berildi. Eger olar merziminde oryndalmasa, biz qatań den qoıýdyń sharalaryn qabyldaýǵa quqylymyz.
Aıyppul salyp, elimizdiń 17 óńirinde arnaıy ólsheý is-sharalaryn júrgize alamyz, biraq ol negizder qajet. Facebook jáne Instagram arqyly habarlamalar kóp kelip túsedi, biraq biz olardy tekserý úshin negiz retinde paıdalana almaımyz. Ol úshin azamattardyń óz qolymen jazǵan, qoly qoıylǵan nemese elektrondyq sıfrlyq qoltańbamen kýálandyrylǵan ótinishterdi ǵana paıdalanýymyz kerek», dep atap ótti vedomstvo basshysy. Bul bıznesti qorǵaý sheńberindegi zańnama talaby.
Mýsın qazaqstandyqtardy ınternet nashar bolsa, hat jazýǵa úndedi. Bul ótinishterdiń barlyǵy mınıstrliktiń atyna nemese tikeleı telekommýnıkasııa komıtetine resmı túrde tirkelýi tıis.