ERG kompanııasy Eýrazııalyq Top quramyndaǵy kásiporyndar ornalasqan Qostanaı, Pavlodar, Qaraǵandy, Aqtóbe oblystary men Shymkent qalasyndaǵy áleýmettik kómekke muqtaj jandarǵa 11 000 azyq-túlik sebetin jetkizbek.
Azyq-túlik sebeti aldymen materıaldyq kómekke muqtaj erekshe qajettiligi bar balalardy tárbıelep otyrǵan otbasylar men jalǵyz basty zeınetkerlerge jetkiziledi. Azyq-túlik sebetin alatyn adamdardyń tizimi jergilikti ákimdiktermen birlese otyryp jasalatyn bolady.
- COVID-19 pandemııasy áli bitken joq. El basyna qıyndyq túsken osy qysyltaıań shaqta, Eurasian Resources Group karantındik sharalar saldarynan materıaldyq qıyndyqtarǵa tap bolǵan turǵyndardy qoldaýdy jalǵastyrady. Kóp balaly analarǵa, zeınettegi batagóı qarııalarymyzǵa zor densaýlyq pen baq-bereke tileımiz. Úmitterińiz aqtalyp, armandaryńyz oryndalsyn! Izgi amaldaryńyz qabyl bolyp, maqsatqa jetińizder! Eldegi yntymaq pen berekeni saqtaý – barshamyzǵa ortaq jaýapty mindet! – dedi «Eýrazııalyq Top» JShS basqarma tóraǵasy Serik Shahajanov.
Muqtaj otbasylarǵa arnalǵan azyq-túlik sebeti - un, kúrish, qaraqumyq, makaron, suıyq maı, buqtyrylǵan et, qant-shaı, kámpıt sııaqty eń qajetti ónimderge toly. Ár sebettiń salmaǵy 50 kılo bolady.
Sebetterdi ERG kásiporyndarynyń eriktileri men Jastar keńesiniń ókilderi turǵyndardyń mekenjaıyna barlyq sanıtarlyq qaýipsizdik talaptaryn muqııat saqtaı otyryp, jetkizip beredi.
Esterińizde bolsa, Táýelsizdiktiń 30 jyldyǵyna oraı «Halyq» qaıyrymdylyq qory «El tiregi – Elbasy» atty izgi aksııany bastaǵan bolatyn. Sharany ózge de qaıyrymdylyq qorlary, tanymal kásipkerler men iri kompanııalar ilip áketti. Taıaý kúnderi elimizdiń ár óńirinde turyp jatqan muqtaj jandarǵa jalpy sany 20 000-nan astam azyq-túlik sebeti jetkizilmek.
«Halyq» qaıyrymdylyq qory bıznes ókilderi men qaıyrymdylyq mekemelerin ıgi bastamaǵa at salysyp, «El tiregi – Elbasy» aksııasyn qoldaýǵa shaqyrady. Sharany jyl sońyna deıin birneshe márte ótkizý josparlanyp otyr.
ERG osymen keıingi 17 jyldan beri ózine qarasty óndiristik kásiporyndar ornalasqan Aqtóbe, Qostanaı, Qaraǵandy jáne Pavlodar oblystarynyń ákimdikterimen kelisilgen memorandýmdar aıasynda asa mańyzdy iri áleýmettik jobalardy júzege asyryp keledi. Eýrazııalyq Top 2001-2020 jyldar aralyǵynda atalmysh óńirlerge 280 mlrd teńgeden astam áleýmettik ınvestısııa quıǵan.