Elordada jyl basynan beri koronavırýspen aýyrǵan sany 15 myńnan asqan. Bul týraly Nur-Sultan qalasynyń bas memlekettik sanıtar dárigeriniń orynbasary Janna Pralıeva onlaın brıfıngide aıtty, dep habarlaıdy Egemen.kz
«Nur-Sultan qalasynda koronavırýstyq ınfeksııa boıynsha epıdemııalyq jaǵdaı turaqsyz bolyp tur. Jaǵdaıdy baǵalaý matrısasy boıynsha qalamyz 1 aı boıy qyzyl aımaqta tur. Kúnine 350-den 580-ge deıin jaǵdaı tirkeledi. Sońǵy aptada syrqattaný kórsetkishteri aldyńǵy aptanyń deńgeıinen 12 paıyzǵa joǵary. 100 myń turǵynǵa shaqqanda qarqyndy kórsetkish 250,8-di quraıdy, reprodýktıvtik san 1-den asady», dedi maman.
Budan bólek, dáriger syrqattaný kórsetkishi, ásirese, eresekterdiń arasynda kóp ekenine toqtaldy.
«Aǵymdaǵy jyldyń basynan beri qala boıynsha syrqattanǵandar sany 15 myńnan asty. Pandemııa bastalǵaly 34453 jaǵdaı tirkeldi. Onyń ishinde 22 254 sımptomdary bar jáne 12 199 sıptomsyz. Sońǵy táýlikte 446 bastapqy jaǵdaı tirkeldi. Onyń ishinde sımptomdary bar 297 jaǵdaı, 149 sımptomsyz jaǵdaı. Jas qurylymy boıynsha syrqattanýdyń eń joǵary deńgeıgi eresekter arasynda tirkeledi. Olar jalpy syrqattanýshylyqtyń 80 paıyzyn quraıdy», dedi bas sanıtardyń orynbasary.