AQSh-tyń Charlston qalasynda ótip jatqan tennısten Volvo Cars Open týrnıriniń shırek fınalynda baq synaǵan qazaqstandyq tennısshi Iýlııa Pýtınseva jarysty aıaqtady.
Jartylaı fınalǵa joldama berýshi básekede jerlesimiz álemdik reıtıngte 91-orynǵa jaıǵasqan chernogorııalyq Danka Kovınchıchpen kezdesip, úsh saǵatqa sozylǵan tartysty matchta 7:6, 5:7, 1:6 nátıjesimen jol berdi. D.Kovınchıch úshinshi aınalymda chehııalyq Petra Kvıtovany, jartylaı fınalda Týnıs ókili Ons Jaberdi jarys jolynan yǵystyryp, fınalǵa shyqty. Búginge deıin Pýtınseva men Kovınchıch kortta eki márte kezdesip, ekeýinde de otandasymyz basym túsken edi. Al bul joly chernogorııalyq tennısshiniń mereıi ústem boldy.
Aıta keteıik, Iýlııa Pýtınseva júlde qory 565 530 dollardy quraıtyn jarysta alǵash ulybrıtanııalyq Herrıet Dartty, kelesi aınalymda óziniń otandasy Zarına Dıasty jáne úshinshi kezeńde ıspanııalyq Garbıne Mýgýrýsany jeńgen bolatyn. Atalǵan jarystyń shırek fınalyna deıin jetkeni úshin Pýtınseva 100 reıtıngtik upaı men 12 670 AQSh dollaryn ıelendi.