ARASHA otbasyndaǵy agressorlardan arashalaıdy

«Daǵdarys ortalyqtarynyń qyz­metin jetildirý, otbasylyq-tur­mystyq zor­lyq-zombylyqtyń aldyn alý jáne agres­sorlarmen jumys isteý jónindegi shara­lardy ázirleý jáne iske asyrý» respýblıkalyq jobasynyń bas­talýyna arnalǵan onlaın baspasóz-kon­ferensııasyna AQDM Jastar jáne otbasy isteri komıtetiniń tóraǵasy Shah­mardan Baımanov, «Azamattyq bas­tamalardy qoldaý ortalyǵy» bas­qarmasy tóraıymy Lıma Dıas jáne basqa da qoǵam qaıratkerleri qatysty.

ARASHA baspana mysalynda (Almaty q.) biz turmystyq zorlyq- zom­bylyq qurbany bolǵan áıelderdiń 40%-dan astamy agressor jubaılaryna oralatynyn kóremiz. Onyń ártúrli sebepteri bar – biri sýymaǵan sezimderiniń jeteginde kúıeýine qaıta keledi, biriniń baratyn jeri joq. Kúıeýi túzelýge ýáde beredi. Osy áıelderdiń jartysy ómir­lerin jańadan bastap otbasynda qalady, ekinshi jartysy  qaıtadan bizge  júginedi», deıdi M.О́skenbaeva.

Osyǵan baılanysty, atalǵan jobany iske asyrý aıasynda agressorlarmen ju­mys isteýdiń praktıkalyq ádisteri nus­qaýlyqtar men áreketter algorıtmin jasaý arqyly qoldanylady.

«Joba turmystyq zorlyq-zom­bylyqtyń aldyn alýǵa jáne Qazaq­standaǵy jaǵdaıdy jaqsartý boıyn­sha keshendi sharalar qabyldaýǵa ba­ǵyttalǵan. Mysaly, daǵdarys orta­lyqtarynyń qyzmetin jetildirý. Biz olardyń elimizdiń barlyq óńirinde jumys isteıtinin bile­miz, turmystyq zorlyq-zombylyq qur­bandaryna áleýmettik qyzmetter kór­setýdiń standarty bar. Biraq olardyń naqty sany áli belgisiz. Joba aıasynda qor alǵash ret elimizdiń 10 áskerı oqý ornynda aqparattyq-túsindirý naýqanyn júr­gizetin kúsh vedomstvolarynyń ots­tav­­ka­daǵy qyzmetkerlerin erlermen áń­gimelesýge tartady. Onda er adamdar bilim alady – bolashaq polıseıler, áskerıler. ARASHA tájirıbesinde kúshtik qurylym ókilderi otbasynda agressor bolǵan jaǵdaılar boldy. Olar emosııaǵa berilmeı, máseleni kúsh qol­daný ádisi arqyly sheshýge úırengen. Ju­mysy aýyr. Úıge kelip, áıeline, balalaryna minez kórsetedi. Al tańerteń dym bol­maǵandaı gúl berip keshirim suraıdy jáne ári qaraı ómir súre beredi. Áıelder mun­daı jaǵdaıǵa kónip, ondaǵan jyldar boıy solaı ómir súrýge májbúr» deıdi M.О́skenbaeva.

Lıma Dıas óz sózinde turmystyq zorlyq-zombylyq qurbandaryna kó­mek kórsetý jónindegi daǵdarys or­talyq­taryna alǵys bildirdi. «Osy jo­ba aıasynda seriktes bolǵan daǵ­darys ortalyqtaryna shyn júrekten alǵy­symdy bildiremin. Búginde atalǵan orta­lyqtar qarjylyq qıyndyqtarǵa qaramastan, turmystyq zorlyq-zombylyq qurbandarynyń qupııalylyǵyn, turǵyn úı, psıhologııa­lyq, zańdyq jáne áleý­mettik kómek tur­ǵysynan keshendi qol­daýdy qamtama­syz etýde», dedi ol.

Sondaı-aq joba sheńberinde óńirler­de turmystyq zorlyq-zombylyqtyń aldyn alý tetikterin jetildirý jónindegi alǵashqy respýblıkalyq jobalyq keńse qurylady. Agressorlardyń qolynan zardap shekken 500 áıel men olardyń ba­lalaryna psıhologııalyq kómek kór­­setiledi. Osy jobany iske asyrý sheń­berinde agressorlarmen jumys is­teýge oqytý boıynsha trenıngter men vebınarlar josparlanǵan: áıel­derdi zorlyq-zombylyqtan qorǵaý jónindegi 75 ıns­pektor jáne kámeletke tolmaǵandarmen jumys jónindegi ınspektor barlyq óńirde oqýdan ótip, óz bilik­tiligin arttyrady.

Eske sala keteıik, joba Azamattyq bas­ta­malardy qoldaý ortalyǵy men Aq­parat jáne qoǵamdyq damý mınıstrliginiń granttyq qoldaýymen júzege asyrylýda. Al Almaty qalasyndaǵy turmystyq zorlyq-zombylyq qurbandaryna arnal­ǵan ARASHA baspanasy – 2017 jylǵy 1 shildeden bastap jumys isteıtin «Qazaq­stannyń teń quqyqtary men teń múm­kindikteri ınstıtýty» qoǵamdyq qorynyń áleýmettik jobasy. Munda áıelder psıhologııalyq, zańgerlik kómek alady, jumysqa ornalasady nemese mamandyq alýǵa kómektesedi. О́z jumysynyń basynan bastap 2021 jylǵy 1 sáýirge deıin ARASHA baspanasy turmystyq zorlyq-zombylyqqa ushyraǵan 418 janǵa keshendi qoldaý kórsetti.