Kúni keshe Alataý baýraıynda óz máresine jetken Olımpııa oıyndarynyń lısenzııalyq týrnıri aıasynda ótken qurlyqtyq kongreste Dáýlet Turlyhanov Azııa kúres keńesiniń prezıdenttigine qaıta saılandy.
Qazaqtyń dańqty balýany Qazaqstannyń jáne halyqaralyq týrnırlerdiń jeńimpazy, KSRO-nyń jeti dúrkin chempıony, Eýropa chempıony, álem chempıonattarynyń altyn, kúmis jáne qola júldegeri, Álem kýbogynyń eki márte jeńimpazy, Azııanyń eki dúrkin chempıony, 1988 jylǵy Seýl Olımpıadasynyń kúmis, 1992 jylǵy Barselona Olımpıadasynyń qola júldegeri bolǵan.
Búginde Qazaqstannyń Grek-rım, erkin jáne áıelder kúresteri federasııasynyń vıse-prezıdenti qyzmetin atqaryp kele jatqan Dáýlet Turlyhanov Azııa kúres keńesiniń prezıdenttigine ekinshi ret saılandy. Ol buǵan deıin bul qyzmette 2017-2021 jyldary bolǵan edi.