Ile-Alataý ulttyq parkiniń ókili Almaty oblysynda týrıster Esik kóli men Túrgen shatqalyna bara almaıtynyn málim etti, dep habarlaıdy Egemen.kz
10-11 sáýir kúnderi aımaq turǵyndary men qonaqtarynyń bir bóligi Túrgen shatqalyna, al bir bóligi Esik kóline barǵysy kelgen. Alaıda ulttyq park aýmaǵynda taýǵa qaraı 5 shaqyrym ǵana júre alǵan. Sebebi ári qaraı qoryq qyzmetkerleri joldy jaýyp tastaǵan.
«Olar budan ári qozǵalýǵa bolmaıtynyn, óıtkeni taýdan tastar qulap, joldy jaýyp qalǵanyn aıtty», dedi týrısterdiń biri.
Ile-Alataý ulttyq parkiniń ókilderi buǵan deıin óńirde nóser jańbyr jaýǵanyn, nátıjesinde jolǵa tastar qulaǵanyn aıtty.
«Túrgen shatqalynyń 20-shaqyrymynda da jaǵdaı osyndaı: jol tósemi buzylyp, qorshaýy synǵan. Jol ýchaskesi «Jol-qurylys basqarmasy 13» balansynda. Biraq qazirgi ýaqytta olardyń tarapynan eshqandaı tazartý sharalary júrgizilmedi», dedi qoryqtyń baspasóz qyzmetindegiler.