Shymkentte sońǵy bir táýlikte 5 myńnan asa adamǵa kovıdke qarsy vaksına salyndy

Medısına mamandarynyń sózinshe, qazirde  qarapaıym adamdar arasynda ekpe alǵandardyń sany kóp.  Ásirese emhanalarda  jasy egde adamdar birinen soń biri kelip, ekpe saldyrýda. Qazir qalada 38 vaksına pýnkti jumys istep tur. Buǵan qosa arnaıy mekemelerde jyljymaly egý pýkteriniń jumysy uıymdastyrylyp, medısına mamandary erikti túrde azamattarǵa vaksına salýda.  Aıta keteıik, búginge deıin qalada 21 748 azamatqa koronavırýske qarsy vaksına salyndy. Emhanalardaǵy ekpe egý pýnkteriniń jumys ýaqyty túngi saǵat 22:00-ge deıin uzartylyp, demalys kúnderi de óz erkimen kelisim bergen azamattarǵa vaksınasııa júrgizilýde.