Qazaqstanda teris PTR-test týraly anyqtamasyz respýblıkaǵa keletin adamdar sany azaıýda. Alaıda, sharalardy kúsheıtý sheńberinde bas memlekettik dáriger Memlekettik shekarany kesip ótý tártibi týraly qaýlyǵa tolyqtyrýlar engizdi. Bul týraly búgin Ortalyq kommýnıkasııalar qyzmetinde ótken brıfıngte Densaýlyq saqtaý birinshi vıse-mınıstri Marat Shoranov málimdedi, dep habarlaıdy Egemen.kz.
«Memlekettik shekaradaǵy sharalardy kúsheıtý maqsatynda QR Bas memlekettik sanıtarlyq dárigeri qaýlyǵa PTR ádisimen COVID-19 testiniń teris nátıjesi bar anyqtamany usynbaǵan jolaýshylardy áýe kemesiniń bortyna otyrǵyzýdan bas tartý bóliginde ózgerister engizdi», dedi M.Shoranov.
Jalpy, Qazaqstanǵa shetelden COVID-19 anyqtamasyz keletin adamdar sany kemigeni baıqalady. 13 sáýirde anyqtamasyz 251 adam kelgen, onyń ishinde ekeýinde COVID-19 testiniń oń nátıjesi anyqtaldy. Naýryz aıynyń sáıkes merziminde anyqtamasyz kelgen 4 975 adam tirkelgen, 16 – taldaý nátıjesi oń bolǵan.