Aralas jekpe-jekten álemdegi eń bedeldi uıym – UFC keshe álemniń eks-chempıony ırlandııalyq Konor MakGregor men amerıkalyq áıgili faıter Dastın Pore arasyndaǵy úshinshi aıqas ótetinin resmı túrde málimdedi.
Eki úzdik arasyndaǵy kezdesý 10 shildede AQSh-tyń Las-Vegas qalasynda ótedi dep belgilengen. MakGregor men Pore UFC 264 týrnıriniń basty jekpe-jeginde judyryqtassa, atalǵan jarystyń anderkardynda otandasymyz Jalǵas Jumaǵulov osy uıymdaǵy óziniń úshinshi aıqasyn ótkizedi.
Aıta keteıik, MakGregor men Pore buǵan deıin segizburyshta eki ret kezdesip, ekeýi de bir-bir jekpe-jekte jeńiske jetken. Alǵash 2014 jyly ótken básekede ırlandııalyq faıter merziminen buryn jeńiske jetse, 2021 jyldyń qańtaryndaǵy saıysta Pore qarsylasyn ekinshi raýndta tehnıkalyq nokaýtpen utqan edi.