Almatyda kúres túrlerinen Azııa chempıonaty márege jetti, dep habarlaıdy Egemen.kz.
Qazaqstandyq Oleg Boltın 125 kg salmaqta fınalda qyrǵyzstandyq Aııal Lazarevpen beldesti.
О́te tartysty órbigen beldesý barysynda qyrǵyzstandyq balýan 3:2 esebimen alda turdy. Sońǵy sekýndtarda eki balǵa baǵalanǵan ádis jasap úlgergen O.Boltın erkin kúresten Qazaqstan quramasy úshin úshinshi altynǵa qol jetkizdi.
Osy asa aýyr salmaqta budan bir jyl buryn Iýsýp Batyrmurzaev Azııa chempıony atanǵan edi. Bıyl oǵan qosa Iýsýp Batyrmurzaev Almatyda ótken lısenzııalyq týrnırde olımpıada joldamasyn ıelengen bolatyn. Endi O.Boltın Azııa birinshiliginde úzdik shyǵyp otyr.
Taǵy bir qazaqstandyq Elhan Asadov 92 kg salmaqta qola júlde úshin básekede ońtústikkoreıalyq balýanǵa ese jiberdi.