Qytaı bıligi Ulybrıtanııanyń eldegi Shyńjań-Uıǵyr avtomonııalyq aýdanynda (ShUAA) adam quqyǵynyń buzylýyna qatysty týyndaǵan aıyptaryna jaýap berdi, dep habarlaıdy Egemen.kz Reuters-ke silteme jasap.
Qalyptasqan kúrdeli ahýalǵa baılanysty Ulybrıtanııa parlamenti úkimetti halyqaralyq quqyqty paıdanalana otyryp, «Shyńjańdaǵy genosıdti» toqtatýǵa mindettedi. Sonymen qatar Qytaıdyń Ulybrıtanııadaǵy elshiligi parlamenttiń bul qadamyn aıyptap, brıtandyqtardy eldiń negizgi múddelerine qurmetpen qaraýǵa shaqyrdy.
«Brıtandyq depýtattardyń Shyńjańdaǵy jaǵdaıǵa qatysty negizsiz aıyptaýlary shyndyqqa janaspaıdy. Sondaı-aq atalǵan úndeýdi qytaı halqyn qorlaý dep sanaımyz. Sol sebepti ishki saıasatqa aralasýyna qarsymyz», deıdi elshiliktiń habarlamasynda.
Buǵan deıin, osyǵan uqsas aıyptaýlardy AQSh jáne Nıderlandy tarapy aıtqan edi. Al tumandy albıon Shyńjańdaǵy genosıdti moıyndaǵyn ekinshi el bolyp otyr.