Bul týraly oblystyq kásipkerlik palatasy dırektorynyń orynbasary Pirmuhammed Syzdyqov О́ńirlik kommýnıkasııalar qyzmetiniń alańynda ótken onlaın brıfıngte málimdedi.
Bul týraly oblystyq kásipkerlik palatasy dırektorynyń orynbasary Pirmuhammed Syzdyqov О́ńirlik kommýnıkasııalar qyzmetiniń alańynda ótken onlaın brıfıngte málimdedi.
«Ashyq» jobasy alǵash bolyp elimizdiń iri qalalarynda qańtar aıynan bastap pılottyq joba negizde engizdi. Testtik júıeden sátti ótken joba jýyrda bizdiń óńirde de qoldanysqa ene bastady. Baǵdarlamanyń basty maqsaty kásipkerlerge ońtaıly jaǵdaı jasaý. Sondaı-aq kásipkerlik nysandarynda aýrýdyń taralý oshaǵyn boldyrmaý jáne kelýshilerge qolaıly orta qalyptastyrý. Aımaqta qosymshany paıdalanýǵa kompıýterlik klýbtar, basseınder, kınoteatrlar ótinish berip, karantındik talaptardy saqtaı otyryp jumys jasaýda», dedi Pirmuhammed Aıtbaıuly.
«Ashyq» – qoǵamdyq oryndarǵa kelýshilerdi tirkeý qosymshasy. Kelýshiler QR kodty skanerlep, ákimshige kórsetedi. Kod turǵynnyń statýsyn anyqtaıdy. Kelýshilerge statýs PTR zertteýleriniń biryńǵaı ıntegrasııalyq portaly jáne Densaýlyq mınıstrligi janyndaǵy covid-19 baqylaý ortalyǵynyń aqparattyq júıelerin salystyrý negizinde taǵaıyndalady.
Tıisinshe, 4 tús negizinde baǵdarlama arnaıy sheshim qabyldaıdy. Máselen «Qyzyl» tús – úıde oqshaýlaný rejımin bildirse, «Sary» túste tek dárihana men dúkenge ruqsat etiledi. Al «Kók» pen «Jasyl» tústegi statýs ıelerine qoǵamdyq oryndarda emin-erkin júrip turýyna bolady.
Kásipkerler «Ashyq» jobasyna qatysý úshin InfoKazahstan.kz saıtyna ótinish bere alady nemes kásipkerler palatasyna júginýine bolady. Joba maquldanǵan sátten bastap, 1 apta synaq rejıminde jumys istep kórýge múmkindik bar. Al turǵyndar qosymshany ınternet jelisinen júktep alýlaryna bolady.