Keshe áleýmettik jelilerge monıtorıng jasaý kezinde polısııa qyzmetkerleri belgisiz azamattyń Qazaqstan Respýblıkasy Qylmystyq Kodeksiniń 174-babynda kórsetilgen «Ulttyq alaýyzdyqty qozdyrý» belgileri bar beıneúndeýin anyqtady, dep habarlaıdy Egemen.kz Qaraǵandy oblystyq polısııa departamentiniń baspasóz qyzmetine silteme jasap.
Jedel izdestirý is-sharalary barysynda tártip saqshylary atalǵan beınejazbanyń avtory – Jezqazǵan qalasynyń 27 jastaǵy turǵynyn anyqtap, qamaýǵa aldy. Qazirgi ýaqytta sotqa deıingi tergeý amaldary bastalyp, tıisti saraptamalar taǵaıyndalǵan.