Astana qalasy máslıhatynyń 2017 jylǵy 12 jeltoqsandaǵy № 221/25-VI sheshimimen bekitilgen «Nur-Sultan qalasynda áleýmettik kómek kórsetý, onyń mólsherlerin belgileý jáne muqtaj azamattardyń jekelegen sanattarynyń tizbesin aıqyndaý qaǵıdasyna» sáıkes 9 mamyr merekesine oraı birjolǵy tólemder myna kisilerge josparlanǵan:
- Uly Otan soǵysy ardagerleri – 1 mln tenge kóleminde (25 adam);
- basqa memleketterdiń aýmaǵyndaǵy urys qımyldarynyń ardagerleri (Tájikstan-Aýǵanstan ýchaskesinde Táýelsiz Memleketter Dostastyǵynyń shekarasyn qorǵaýǵa qatysqan áskerı qyzmetshiler; Iraktaǵy halyqaralyq bitimgershilik operasııaǵa bitimger retinde qatysqan Qazaqstan Respýblıkasynyń áskerı qyzmetshileri; Taýly Qarabahtaǵy etnosaralyq qaqtyǵysty retteýge qatysqan áskerı qyzmetshiler, sondaı-aq burynǵy KSR Odaǵy ishki ister jáne memlekettik qaýipsizdik organdarynyń basshy jáne qatardaǵy quramynyń adamdary) - 20 AEK (58 340 teńge) kóleminde (708 adam);
- jeńildikter boıynsha Uly Otan soǵysynyń ardagerlerine teńestirilgen ardagerler (UOS kezinde qyzmet etken áskerı qyzmetkerler; fashıstik Germanııaǵa qarsy soǵys qımyldaryna qatysqan adamdar;
Lenıngrad qalasyndaǵy blokada kezinde jumys istegen azamattar; konslagerlerdegi, gettolardaǵy jáne basqa da májbúrlep ustaý oryndaryndaǵy kámeletke tolmaǵan tutqyndar; áskerı maqsattaǵy obektilerdegi basqa da radıasııalyq apattar men avarııalardyń, ıadrolyq synaqtardyń saldarynan múgedek bolǵan adamdar jáne múgedektigi ata-anasynyń biriniń radıasııalyq sáýle alýymen genetıkalyq baılanysty olardyń balalary - 35 AEK (102 095 teńge) kóleminde (415 adam);
- eńbek ardagerleri, «Ardagerler týraly» Qazaqstan Respýblıkasynyń Zańyna sáıkes basqa da adamdar (Sosıalıstik Eńbek Erleri, úsh dárejeli Dańq, úsh dárejeli Eńbek Dańqy ordenderiniń ıegerleri;
«Qazaqstannyń Eńbek Eri» ataǵyna ıe bolǵan adamdar; 1941 jylǵy 22 maýsym – 1945 jylǵy 9 mamyr aralyǵynda keminde alty aı jumys istegen (qyzmet ótkergen) jáne Uly Otan soǵysy jyldarynda tyldaǵy qajyrly eńbegi men minsiz áskerı qyzmeti úshin burynǵy KSR Odaǵynyń ordenderimen jáne medaldarymen nagradtalmaǵan adamdar; tyl ardagerleri, qaza tapqan áskerı qyzmetshilerdiń otbasylary; Uly Otan soǵysynyń qaıtys bolǵan múgedeginiń áıeli) – 11 AEK (32 087 teńge) kóleminde (2695 adam).
Barlyǵy 3843 adamǵa 195 159 583 teńge tóleý josparlanǵan.