Taldyqorǵanda qoǵamdyq kólik júrgizýshileri jumysqa shyqpaı qoıdy. Sonyń saldarynan keshe 11 baǵyt boıynsha 70-ke jýyq avtobýs qyzmet kórsetken joq, dep habarlaıdy Egemen.kz KTK telearnasyna silteme jasap.
Avtobýs júrgizýshileriniń bulaı narazylyq bilidirýine 4 aıdan beri jalaqylaryn ala almaýy sebep bolǵan. Jolaýshy tasymalymen aınalysatyn eki kompanııanyń qyzmetkerleri jalaqylaryn buǵan deıin de birneshe ret talap etken, alaıda kompanııa basshylyǵy qurǵaq ýádemen aldap kelgen. Telearna tilshisiniń málimetinshe, eńbekaqydan qaǵylǵan 100-ge tarta júrgizýshi aqshalaryn ala almaı álek. Al ákimdiktegiler jumysshylaryn jalaqysyz qaldyrǵan qos seriktestik aldynda bereshegimiz joq dep sendiredi.
«Almaty oblysy boıynsha Eńbek ınspeksııasy basqarmasy, Taldyqorǵan qalasynyń prokýratýrasy ókilderiniń jáne eki kásiporyn basshylyǵy qatysqan keńs ótkizildi. Otyrys qorytyndysy boıynsha, kásiporyndardyń qyzmetin tekserý jóninde sheshim qabyldandy», dedi Taldyqorǵan qalasy ákiminiń baspasóz ókili Nur Qanatuly.