Bul týraly Qazaqstannyń Tuńǵysh Prezıdenti-Elbasy, QHA Tóraǵasy N.Á.Nazarbaev Qazaqstan halqy Assambleıasynyń XXIX sessııasynda málimdedi, dep habarlaıdy Egemen.kz
«Elimiz áleýmettik-ekonomıkalyq damýda, halyqtyń ál-aýqytynyń artýynda aıtarlyqtaı jetistikterge jetti. Naryqtyq ekonomıka basynan bastap quryldy. Túbegeıli reformalar tabysty júrgizildi. Bul sońǵy 30 jylda ósip-óngen jas urpaqtyń esinde bolmaýy múmkin. Degenmen bizdiń esimizde. О́tkendi bilip, bolashaqqa nyq qaraý úshin osy nárseni jastarǵa aıtyp, qaıtalap otyrý – bizdiń mindetimiz. Osynyń arqasynda Qazaqstan qazir álemde básekege qabiletti 50 eldiń jáne ortasha tabysy joǵary elder qataryna qosylyp otyr. Táýelsizdik jyldary halyqtyń jan basyna shaqqandaǵy ishki jalpy ónim deńgeıi 13 ese kóterildi. Bul – bizdiń ortaq jumysymyzdyń jemisi. 1991-1992 jyldary Keńes ókimeti qulaǵannan keıin elimizde 1500 óndiristiń toqtap qalǵany esimde. Jumyssyz qalǵandar sany 2 mln-ǵa jetti. Halqymyzdyń 47,5 paıyzy kedeılik sheginen tómen ómir súrdi. Búgin osy kórsetkish – 10 paıyz. Jumyssyzdyq 3 ese tómendedi. Osy ýaqyt aralyǵynda halyq sany 2,5 mln adamǵa artty», dedi N.Nazarbaev.
Otyrysqa sondaı-aq Memleket basshysy Qasym-Jomart Toqaev qatysyp otyr. Kún tártibi «Birliktiń, beıbitshilik pen kelisimniń 30 jyly» taqyrybyna arnalǵan.
Sessııa jumysyna onlaın formatta 550-den astam adam qatysyp otyr. Olardyń qatarynda barlyq óńirlerden kelgen Assambleıa músheleri, respýblıkalyq jáne óńirlik etnomádenı birlestikterdiń tóraǵalary, Parlament depýtattary, ortalyq atqarýshy organdardyń, saıası partııalardyń, dinı birlestikterdiń basshylary, ÚEU, ǵylymı, shyǵarmashylyq zııaly qaýym jáne BAQ ókilderi bar.