Táýelsizdik jyldarynda kóptegen jańa bastama qolǵa alyndy. Solardyń arasynda Qazaqstan halqy Assambleıasyn qurý isi erekshe atalady. Elbasynyń bastamasymen qurylǵan uıym búginge deıin el birligi men tatýlyǵynyń nyshany bolyp keledi.
Biz taǵy bir tarıhı sátke kýá boldyq. Elbasy Nursultan Nazarbaevtyń Qazaqstan halqy Assambleıasynyń Tóraǵasy laýazymyn Memleket basshysy Qasym-Jomart Toqaevqa tabystaǵanyn kórdik. Demek, Assambleıa óz jumysyn ári qaraı senimdi túrde jalǵastyra beredi, sara jol sabaqtastyqpen jalǵasyn tabady dep senemiz. Tatýlyq, birlik, kelisim syndy qundylyqtar odan ári nasıhattalady dep oılaımyn. Bizdiń birinshi baılyǵymyz – eldiń tatýlyǵy. Bul qaı ýaqytta da mańyzyn joǵaltpaýy kerek.
Táýelsizdik jyldary qanshama aýqymdy jumystar atqarylǵanyna bárimiz kýámiz. Qazaqstan halqy Assambleıasy búginge deıin óte jaqsy model qalyptastyra aldy dep oılaımyn. Ol tek beıbitshilik uıytqysy bolyp qana qoımaı, mańyzdy saıası alańǵa aınaldy. Assambleıa arqyly elimiz beıbitshilik jarshysy atandy.
Qazaqstan halqy Assambleıasynyń HHIH sessııasy barysynda Elbasy atap ótkendeı, búginde bizdiń Assambleıamyzdyń modelin basqa elder de engizip jatyr. Bul – úlken jetistik dep bilemin. О́ıtkeni qundylyqtar ózgerip jatqan qazirgi zamanda eldiń tutastyǵy men halyqtyń birligi taqyryby kún tártibinen túspeýi kerek.
Aıta ketý kerek, Assambleıa pandemııa kezinde de tynbaı jumys istedi. Assambleıa músheleri volonterlermen qatar, alǵy shepte qyzmet etken medısına, quqyq qorǵaý organdarynyń qyzmetkerlerine járdemdesip, kóptegen otbasyǵa kómek berdi. Bul izgi is áli de jalǵasady. Assambleıanyń alǵa qoıǵan ıgi maqsaty kóp.
Gennadıı ShIPOVSKIH,
Parlament Májilisiniń depýtaty