QR Premer-Mınıstri Asqar Mamın Qazaq elin 1 mamyr – Qazaqstan halqynyń birligi kúnimen quttyqtady, dep habarlaıdy Egemen.kz QR Premer-mınıstrdiń baspasóz qyzmetine silteme jasap.
«Qymbatty otandastar, barshańyzdy Qazaqstan halqynyń birligi kúnimen quttyqtaımyn! Bul mereke – bizdiń birtutastyǵymyz ben baıandy bolashaǵymyzdyń sımvoly.
Qazaqstanda ár túrli ulttyń ókilderi turady, biraq biz, qazaqstandyqtar – bir halyqpyz. Kópultty qoǵamdaǵy urpaqtar birligi men kelisiminiń arqasynda Qazaqstan barlyq qıyndyqtardy eńserip, syndarly tarıhynyń túrli kezeńderinde tabysty damydy.
Bizdiń búgingi ortaq múddemiz – ultaralyq kelisim men ózara túsinistikti saqtaý jáne nyǵaıtý. Osyndaı dástúrli qundylyqtar halqymyzdyń ómir súrý sapasyn arttyra otyryp, elimizdiń turaqty jáne serpindi áleýmettik-ekonomıkalyq damýynyń mańyzdy alǵyshartyna aınaldy.
Ortaq shańyraǵymyz – Qazaqstan Respýblıkasynyń kemel keleshegi bizdiń yntymaǵymyzǵa, jasampaz eńbegimizge, kúsh-qýatymyzǵa jáne eń kúrdeli jalpyulttyq mindetterdi sheshýdegi tabandylyǵymyzǵa baılanysty.
Birlik kúni bizdi Qazaqstannyń ıgiligi úshin jańa jetistikter men tabystarǵa bastaı bersin! Barlyq otandastarymyzǵa, árbir otbasyna zor densaýlyq, tatýlyq pen baq-bereke tileımin!»
Qazaqstan Respýblıkasynyń Premer-Mınıstri Asqar Mamın».