Qytaı kommýnıstik partııasy Ortalyq komıtetiniń bas hatshysy Sı Szınpın ekologııalyq órkenıetti damytý jóninde strategııalyq sheshim qabyldaýǵa basa nazar aýdardy. Sondaı-aq adam men tabıǵat úılesimdiligine súıengen jańǵyrýdy usyndy.
Qytaı basshysy bul týraly QKP Ortalyq komıteti saıası bıýrosynyń jıynynda málimdegen. Qytaıdyń 14-shi besjyldyq jospary ekologııalyq tabıǵatty qorǵaýda mańyzǵa ıe. Sı Szınpınniń aıtýynsha, osy qadam arqyly lastanýdy azaıtý jáne kómirtegi shyǵaryndylaryn qysqartýǵa qol jetkizilmek.
Ol adamdar men tabıǵattyń úılesimde ómir súrýine qol jetkizý úshin ekonomıkalyq jáne áleýmettik damýdy strategııalyq turǵyda sheshýge jáne josparlaýǵa shaqyrdy.
Jıyn barysynda Sı Szınpın Qytaıdyń sosıalıstik jańǵyrtýyndaǵy basty sıpattamalarynyń biri adam men tabıǵattyń úılesimdiligi ekenin atap ótti. Sondaı-aq ónerkásiptik, energetıkalyq, kólik jáne jer paıdalaný qurylymdaryn túzetýdi jedeldetýge shaqyrdy.
«Aýmaqty josparlaý men paıdalanýdy baqylaýdy kúsheıtý kerek, resýrstardy paıdalaný tıimdiligi jan-jaqty jaqsarýy kerek. Parnıkti gazdar shyǵarylymyn azaıtý – álem aldyndaǵy mindetimiz. Sondaı-aq tereń ekonomıkalyq jáne áleýmettik qaıta qurý ońaı emes», dedi Sı Szınpın.