Elimizde úısiz janýarlardy qoldaýǵa arnalǵan shaǵyn granttar baıqaýy bastaldy, dep habarlaıdy Egemen.kz
Janýarlarǵa meıirimmen qaraýdy qalyptastyrýǵa baǵyttalǵan «Birgemiz: Ayala» jobasy negizinde eriktiler úshin shaǵyn granttar konkýrsy ashyldy.
Baıqaýdyń maqsaty – volonterlik bastamalardy jáne janýarlarǵa jaýapkershilikpen qaraýdy qalyptastyrý jónindegi jobalardy damytýǵa, volonterlerdiń jeke bastamalaryn qoldaýǵa baǵyttalǵan konkýrsty uıymdastyrý jáne 5 shaǵyn grant (árbir jobaǵa 500 myń teńge) bólý. Shaǵyn granttar konkýrsyna qatysýǵa Qazaqstan Respýblıkasynyń bastamashyl toptary men úkimettik emes uıymdary qatysa alady.
Oǵan elimizdiń barlyq óńirleriniń turǵyndary qatysa alady, alaıda joba Nur-Sultan qalasynyń aýmaǵynda júzege asyrylady. Baıqaý erejesin @league_volunteers jáne @birgemiz Instagram profılderinen tabýǵa bolady. Shaǵyn granttar berýge arnalǵan konkýrs kelesi 5 taqyryp boıynsha jarııalanady:
Balalar men jasóspirimder arasynda adamgershilik qarym-qatynasty qalyptastyrý boıynsha aksııalar. Janýarlarǵa qarym-qatynas mádenıetin ózgertýge baǵyttalǵan fleshmob. Qoǵamdyq nazar aýdarý boıynsha janýarlardyń fotokórmesi. Tegin veterınarııalyq qyzmet kórsetý. Janýarlarǵa jaýapkershilikpen qaraýdy qalyptastyrýǵa baǵyttalǵan áleýmettik beınerolıkter.Konkýrs 2021 jyldyń 29 sáýir jáne 25 mamyr aralyǵynda ótkiziledi. Bir taqyryp boıynsha bir ótinim berýshiden 1 (birden) artyq ótinim berýge jol berilmeıdi. Janýarlarǵa jaýapkershilikpen qaraýdy qalyptastyrýǵa baǵyttalǵan «Birgemiz: Ayala» jobasy Azamattyq bastamalardy qoldaý ortalyǵy memlekettik granty sheńberinde iske asyrylady.