Orbis Kazakhstan kompanııalar toby amerıkalyq iri óndirýshi AGCO Corporation-men elimizge eń zamanaýı aýyl sharýashylyǵy tehnıkasyn jetkizý jáne oǵan servıstik qyzmet kórsetý týraly kelisimge keldi, dep habarlaıdy Egemen.kz.
Endi qazaqstandyq aýyl sharýashylyǵy óndirýshilerinde Fendt, Valtra markaly jetekshi tehnıkanyń tolyq jelisine qoljetimdilik paıda bolady, bul otandyq aýyl sharýashylyǵy óndirisin tehnıkalyq qaıta jaraqtandyrýda sapaly qadam jasaýǵa múmkindik bermek.
AGCO Corporation jáne «Orbis Agro Machinery» JShS tulǵasynda «Orbis Kazakhstan» Kompanııalar Toby arasynda dıstrıbıýtorlyq kelisimge qol qoıyldy. Nátıjesinde Orbis Agro Machinery Qazaqstan aýmaǵynda eksklıýzıvti dıstrıbıýtor boldy.
Orbis Kazakhstan sońǵy birneshe jylda álemde aýyl sharýashylyǵy tehnıkasynyń negizgi jetkizýshileriniń biri AGCO korporasııasy ekenin atap ótti. Amerıkandyq óndirýshi aýylsharýashylyq jabdyqtaryn ázirleýde, óndirýde jáne satýda álemdik kóshbasshy bolyp jáne búkil álem boıynsha 140 elde 3100-den astam táýelsiz dılerler men dıstrıbıýtorlar taratatyn traktorlardyń, kombaındardyń, egis keshenderiniń, búrikkishterdiń, jem-shóp daıyndaý jáne topyraq óńdeý jabdyqtarynyń tolyq spektrin usynady.
Aýyl sharýashylyǵy – jumyspen qamtylǵandar sany boıynsha elimizdegi ekinshi sala. Aýyldyq jerlerde halyqtyń 42% - ǵa jýyǵy turady, bul rette salada 1,5 mln adam jumys isteıdi. Qazaqstan aýmaǵy boıynsha toǵyzynshy orynda; aýmaqtyń shamamen 74% elde aýyl sharýashylyǵyn júrgizýge jaramdy. Endi FENDT jáne VALTRA tehnıkasy Qazaqstanda da paıdalanylatyn bolady, bul agrobıznesti damytýda agrarshylarǵa úlken demeý bolady. Bul aýylsharýashylyq tehnıkasynyń negizgi artyqshylyqtary – ónimdilik, tolyq assortıment, únemdilik, jaılylyq jáne jumystyń barlyq kezeńderinde baqylaý prosesteriniń avtomattandyrylýy, sonymen qatar operatorsyz birqatar tehnıkanyń jumys isteý múmkindigi.
- FENDT jáne VALTRA aýyl sharýashylyq tehnıkasy ósimdik sharýashylyǵy men mal sharýashylyǵynda, astyq óńdeý men fermalardy jabdyqtaýda barlyq negizgi tehnologııalyq prosesterdiń oryndalýyn qamtamasyz etýge qabiletti. AGCO tek tehnıka men jabdyqty ǵana emes, agroónerkásip keshenindegi kásipqoılarǵa arnalǵan joǵary tehnologııalyq sheshimderdi de jasap, iske asyrady. Biz óz tarapymyzdan joǵary sapaly qyzmet kórsetýdi, yńǵaıly qarjylandyrý baǵdarlamalaryn jáne básekeli baǵany qamtamasyz etýge nıettimiz, - dep atap ótti Orbis Agro Machinery bas dırektory Igor Vdovın.
Qazirdiń ózinde aýyl sharýashylyǵy tehnıkasyn Almaty men Kókshetaýdan satyp alýǵa bolady, onda FENDT jáne VALTRA fırmalyq dılerlik ortalyqtary ashyldy, olar sáıkesinshe ońtústik jáne soltústik óńirlerdi qamtıdy. Eger Kókshetaý qalasynda keńseniń ashylýy óńirdiń baı agrarlyq dástúrlerimen baılanysty bolsa, onda topyraqtyń tyǵyzdyǵyn jáne aýa-raıynyń ereksheligin, sondaı-aq úlken alańdardy eskere otyryp, qýattylyǵy joǵary aýyl sharýashylyǵy tehnıkasy suranysqa ıe bolsa, onda Almaty qalasyn tańdaý megapolıstiń joǵary iskerlik belsendiligimen baılanysty. Orbis Kazakhstan kompanııasy aldaǵy eki jylda Qazaqstannyń barlyq óńirlerinde aýyl sharýashylyǵy tehnıkasyn satýdyń ósetinine senimdi, óıtkeni dıstrıbıýtor QR-nyń barlyq qalalarynda keń dılerlik jelige ıe, ol jerde klıentti keshendi qoldaýdan basqa amerıkalyq korporasııanyń joǵary standarttaryn qoldaıtyn servıstik ortalyqtar ornalasqan. Mysaly, Qazaqstanda qazirdiń ózinde kompanııa Germanııa men Fınlıandııada óndiriletin qýattylyǵy 154 a.k. asatyn traktorlardy, sondaı-aq Italııadaǵy AGCO zaýytynda óndirilgen qýattylyǵy 350 a. k. asatyn kombaındardy satatyny belgili.
QR-da jergilikti agrarshylar úshin qoljetimdi baǵaǵa dıstrıbıýtorǵa berilgen jeńildik esebinen qol jetkiziletin bolady. Budan basqa, Orbis Kazakhstan Kompanııalar Tobynyń qarjylandyrý baǵdarlamalarynyń arqasynda tehnıkany lızıngke/kredıtke/bólip tóleý arqyly satyp alý qarastyrylýy múmkin. Aıta keteıik, Orbis Kazakhstan FENDT jáne VALTRA tehnıkasyn Qazaqstannyń barlyq aýmaǵynda iske asyrýǵa aıryqsha quqyqqa ıe bolady, bul óz kezeginde amerıkandyq konsernniń iskerlik tájirıbesin qabyldaýdy bildiredi. Orbis Finance arqyly «Qarjy lızıngi» quralyn iske qosý josparlanýda, qazirgi ýaqytta áleýetti klıentter úshin yńǵaıly óteý nusqalary qarastyrylýda. Sondaı-aq resmı dıstrıbıýtor AGCO korporasııasynyń standarttaryna negizdelgen FENDT jáne VALTRA tehnıkasyna kepildik, qyzmet kórsetý jáne qoldaý kórsetýdi kózdeıdi.