Aýyl sharýashylyǵy mınıstrliginiń Veterınarlyq baqylaý jáne qadaǵalaý komıteti men Rosselhoznadzor mal sharýashylyǵy ónimderin ózara jetkizýge baılanysty buryn engizilgen ýaqytsha shekteýlerdi alyp tastaý boıynsha jumys júrgizdi, dep habarlaıdy Egemen.kz mınıstrlikke silteme jasap.
QR AShM Veterınarlyq baqylaý jáne qadaǵalaý komıteti men Rosselhoznadzordyń jemisti kelissózderiniń nátıjesinde mal men mal sharýashylyǵy ónimderin jetkizýge buryn engizilgen ózara shekteýlerdi alyp tastaý boıynsha birqatar máseleler sheshildi.
Qazaqstandyq kásipkerler men veterınarlyq qyzmetterdiń nazaryna joǵary patogendi qus tumaýy boıynsha jaǵdaıdyń turaqtanýyna baılanysty elimizdiń Soltústik Qazaqstan, Aqmola, Pavlodar jáne Qostanaı oblystarynan Reseı Federasııasyna myna ónimderdi jetkizýge ruqsat etilgenin habarlaımyz:
- tiri qustardy;
- ınkýbasııalyq jumyrtqany;
- qus etin;
- Halyqaralyq epızotııalyq bıýronyń Jer ústi janýarlarynyń densaýlyǵy kodeksiniń erejelerine sáıkes, qus tumaýy vırýsyna qarsy óńdelgen taýarlardan bólek, qustan jasalǵan daıyn et ónimderin jáne quramynda qustyń qaıta óńdelgen ónimderi bar Qus sharýashylyǵy ónimderiniń barlyq túrlerin;
- qustardyń azyǵy jáne onyń qospalaryna;
- qustardy kútip-baǵýǵa, soıýǵa jáne músheleýge arnalǵan buryn paıdalanylǵan jabdyqtardy jetkizýge ruqsat berildi.
Sonymen qatar, Soltústik Qazaqstan, Aqmola, Pavlodar jáne Qostanaı oblystarynan jóneltilgen tiri qustardy Reseı Federasııasynyń aýmaǵy arqyly tasymaldaýǵa da ruqsat etildi.
Nıýkasl aýrýy boıynsha Qaraǵandy oblysynan Reseı Federasııasyna tiri qus jáne ınkýbasııalyq jumyrtqa, qus eti jáne termııalyq óńdeýden ótpegen, qustarǵa arnalǵan azyq pen onyń qospalaryn, buryn qustardy kútip-baǵýǵa paıdalanylǵan, soıýǵa jáne músheleýge arnalǵan jabdyqtardy, qus ónimderiniń barlyq túrlerin jetkizýge qatysty buryn engizilgen shekteýler joıyldy.
Bul aımaqtan da Reseı Federasııasynyń aýmaǵy arqyly tiri qus tasymaldaýǵa ruqsat etildi.
Pasterellez boıynsha jaǵdaıdyń turaqtanýyna baılanysty Reseı Federasııasyna Qaraǵandy oblysynan kúıis qaıyratyn janýarlardyń barlyq túrlerin, shoshqany, sondaı-aq 72°S temperatýrada 30 jáne odan da kóp mınýt ishinde termııalyq óńdeýden ótpegen janýarlardyń kórsetilgen túrlerinen alynǵan olardyń genetıkalyq materıaldary men mal sharýashylyǵy ónimderin jetkizýge qoıylǵan shekteýler alynyp tastaldy.
Atyraý men Mańǵystaý oblystarynan Reseı Federasııasynyń aýmaǵyna jetkizýge ruqsat etilgen ónimder:
- tiri qoı men eshkiler;
- qoı men eshkiniń etinen daıyndalǵan ónim
- sút jáne sút ónimderi;
- mal azyǵy;
- soıylǵan qoı men eshkiden alynǵan basqa da shıkizattar men buıymdar;
- usaq maldy ustaýǵa, soıýǵa jáne óńdeýge arnalǵan qoldanystaǵy jabdyqtar.
Sonymen qatar, Atyraý jáne Mańǵystaý oblystarynan jóneltilgen tiri qoılar men eshkilerdi Reseı Federasııasynyń aýmaǵy arqyly tasymaldaýǵa ruqsat etildi.
Nodýlıarlyq dermatıt boıynsha jaǵdaıdyń turaqtanýyna baılanysty Atyraý oblysynan Reseı Federasııasyna jetkizýge ruqsat etilgen ónimder:
- janýarlardyń nodýlıarlyq dermatıtine beıim iri qara mal;
- nodýlıarlyq dermatıt vırýsynyń buzylýyn qamtamasyz etetin tıisti óńdeýsiz IQM-dan, sondaı-aq janýarlardyń sezimtal túrlerinen alynǵan ónim;
- iri qara maldyń óńdelmegen terisi;
- IQM-dyń genetıkalyq materıaly;
- IQM ustaýǵa jáne tasymaldaýǵa arnalǵan qoldanystaǵy jabdyq.
Shoshqanyń afrıkalyq obasy boıynsha epızootııalyq jaǵdaıdyń turaqtanýyna baılanysty Qazaqstan Respýblıkasyna tiri shoshqalardy Altaı Respýblıkasynan, Altaı jáne Krasnoıarsk aımaqtarynan, Novosıbırsk, Qorǵan, Chelıabi jáne Túmen oblystarynan jetkizýge jáne Qazaqstan aýmaǵy arqyly tasymaldaýǵa ruqsat etiledi.
Buǵan deıin qus tumaýy boıynsha kúrdeli jaǵdaıǵa baılanysty Qazaqstanǵa Kýrsk, Orlov, Voronej, Chelıabi, Omby, Túmen, Qorǵan jáne Tomsk oblystarynan, sondaı-aq Tatarstan Respýblıkasynan tiri qus pen qus sharýashylyǵy ónimderin ákelýge engizilgen shekteý sharalary alynyp tastaldy.
Budan bólek, tiri qusty, ınkýbasııalyq jumyrtqany, mamyq pen qaýyrsyndy, qus etin jáne qus sharýashylyǵy ónimderiniń barlyq túrlerin, qustarǵa arnalǵan azyq pen onyń qospalaryn, sondaı-aq Saratov oblysynan qustardy kútip-baǵýǵa, soıýǵa jáne músheleýge arnalǵan qoldanystaǵy jabdyqtardy Qazaqstan Respýblıkasyna eksporttaýǵa ruqsat etildi. Aıta keteıik, buryn aımaqtaǵy Nıýkasl aýrýynyń epızootııalyq jaǵdaıyna baılanysty shekteý sharalary engizilgen bolatyn.