Qostanaı oblysynyń Amangeldi aýdanyna qarasty Qarasý aýylynyń turǵyny asa aýyr qylmys jasady degen kúdikpen qamaýǵa alyndy, dep habarlaıdy Egemen.kz.
47 jastaǵy er adam 55 jastaǵy óz aýyldasy men onyń 82 jastaǵy anasyn pyshaqtap tastaǵan. Oblystyq polısııa basqarmasynyń málimetinshe, er adam pyshaq jaraqatynan jan tapsyryp, anasy aýrýhanaǵa jetkizilgen.
«Amangeldi aýdandyq polısııasy «Adam óltirý» jáne «Adam óltirýge oqtalý» baptary boıynsha sotqa deıingi tergeý jumystaryn bastady. Jantúrshigerlik qylmysty jasady degen kúdikpen 47 jastaǵy jergilikti turǵyn ustaldy. О́zine ózi qol jumsap qylmystyq jaýapkershilikten jaltarǵysy kelgen kúdikti qazir aýrýhanada jatyr. Keshendi tergeý sharalary júrip jatyr. Saraptamalar taǵaıyndaldy. Qylmystyń sebebi anyqtalyp jatyr», dep málimdedi oblystyq PB-nyń baspasóz qyzmeti.