Shyǵys Qazaqstan oblysynyń ákimi Rıdder qalasynyń janyndaǵy Leshoz kentine baryp, turǵyndarmen kezdesti, dep habarlaıdy Egemen.kz.
«Búgin bizdiń óńir úshin óte aýyr kún boldy. О́rt kezinde qaza tapqan kent turǵyny Galına Fılaretovna Spıvakovanyń týystary men jaqyndaryna qaıǵyryp kóńil aıtamyn. Sondaı-aq, tabıǵı apattan zardap shekken azamattarǵa zor densaýlyq pen tezirek saýyǵýlaryn tileımin.Úkimet pen oblys ákimdigi tarapynan sizderge jan-jaqty qoldaý men kómek kórsetiledi. О́rtten zardap shekkenderdiń barlyǵy baspana alady», dedi kezdesý kezinde Danıal Ahmetov.Ákim bul jumystar Memleket basshysy Qasym-Jomart Toqaevtyń erekshe baqylaýynda ekenin aıtty.Qazirgi ýaqytta, rastalǵan aqparatqa sáıkes, 35 úı men 9 ǵımarat órtendi.«Aldyn ala esep boıynsha, turǵyn úı máselesin tolyq sheshý úshin bizge eki jarym aı qajet.Turǵyndarmen kezdesý barysynda jumys josparyna toqtalyp, barlyq jaǵdaıdy búkpesiz baıandap berdim. Rıdderde salynyp bitpegen birneshe kópqabatty úıler bar, olardy biz satyp alyp, qurylysyn aıaqtaýdy mejege alyp otyrmyz. Bul baspanalar kirpishten jasalǵan, búgin kezdesýden keıin bireýiniń jaǵdaıyn jeke ózim baryp kórdim. Tańerteń qurylys kompanııalarymen birge qalǵan úılerdi baǵalap shyǵamyz.Eger kimde-kim kópqabatty turǵyn úıden bas tartsa jáne eskisin jóndeýdi talap etse, biz ony jóndeımiz.Qujattardy qalpyna keltirýge qatysty aıtar bolsam. Polısııa departamenti men HQKO erteńnen bastap bul jumyspen aınalysady. Barlyq qujattardy birqalypty tártipte qalpyna keltiremiz.Múliktik shyǵyndarǵa keletin bolsaq, tólemder zańǵa sáıkes júzege asyrylady. Arnaıy komıssııa jumys istep, shyǵyndardyń qunyn anyqtaıdy jáne zańnama erejelerine sáıkes ótemaqymen aınalysady», dedi óńir basshysy.Aıta keteıik, Agrotehnıkalyq kolledj jataqhanasy men profılaktorıı bazasynda órtten zardap shekkenderdi qonystandyrý úshin oryndar uıymdastyryldy.Al órttiń shyǵý sebebi aldaǵy eki-úsh kúnde anyqtalýy múmkin.