Esirtki satqan kúdikti Ekibastuzdaǵy ýaqytsha ustaý ızolıatoryna qamaldy, dep habarlaıdy Egemen.kz
«QR IIM QAJ komıteti men Pavlodar oblysy boıynsha qylmystyq-atqarý júıesi departamentiniń jedel qyzmet qyzmetkerleri Pavlodar oblysy polısııa departamentiniń esirtki qylmysyna qarsy is-qımyl basqarmasynyń qyzmetkerlerimen birlesip marıhýana jetkizýshilerdiń jolyn kesti», dep habarlady Pavlodar oblysy boıynsha qylmystyq-atqarý júıesi departamentiniń baspasóz qyzmeti.
Pavlodar oblysynyń Shiderti kentinde ornalasqan qaýipsizdigi eń tómen AP-162/10 mekemesinde jazasyn ótep jatqan sottalǵandarǵa esirtki satty degen kúdikpen 45 jastaǵy azamat ustalǵan.
«Atalǵan fakti boıynsha QR QK 297-baby birinshi bóligi boıynsha sotqa deıingi tergeý bastaldy. Kúdikti Ekibastuz qalasynyń ýaqytsha ustaý ızolıatoryna qamaldy», dep tolyqtyrdy Pavlodar oblysy boıynsha qylmystyq-atqarý júıesi departamentiniń aǵa jedel ýákili Arman Qalyqov.